Job 7:1 - Biblia Dc en Mixe de Quetzaltepec

¹ Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Biblia Mixe de Quetzaltepec

¹ Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Job 7:1 ပူးပေါင်းရင်းမြစ်များ

Salmos 39:4

Wintsën, tuknija'awëkës wi'ixës nëjkx nkukëxë ets nu'unës njaakjuuky'ata'any; yë'ëjës nijawëjäämpy pën jawäänës njaakjuuky'ata'any.

Job 5:7

yë naaxwiinyëtë ja'ay kë'ëm ëyo'on jotmay nyätyukpaatyë, jëtu'un tä yë jëënpixk pyëtsimyën jëënjoty.

Isaías 40:2

Mëët ja yu'unk aaw yu'unkjot ënëëmëtë ko tëë kyixy nyäxy ma mëtuunpë ëyoopë të y'itën, ko tëë tkumëtoowta'ay ja nyëë pyoky, ko tëë tmënaxy tyajnaxy ja ëyo'on jotmay mëti'ipë ja Wintsën mmooyëtën.

Isaías 21:16

Ënätës ja Wintsën të xy'ënëëmë: jajëmëjt yë Quedar kajpn ka'ap ënety maanë, jëtu'un tä tu'uk tuunpë ja'ay tnimëtyä'äkyën mëti'ipë yi'iyë myëju'uny tyukjuuky'äjtypyën,

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.

Deuteronomio 15:18

këtii xywyiinkja'apëty ko xy'ëxmatsëty ja mtuunpë ëwaatsëtuuy. Yë'ë tëë mëtunyë tëtujk jëmëjt ets ka'ap jëtu'un tmëpaaty ejxtëm jeexyë të xymyëjuyën tu'uk ja mëtuunpë mëti'ipë ja mtuunk jeexyë të tyaj'apaatën. E yë'ëts jëtu'un mja'amyätsëp xëmë, ko yë mWintsën jëtu'un mkënu'kxa'anyë tä ënety mijts oy winë xytyunyën.

Isaías 38:5

ets nëjkx t'ënëëmë ja Ezequías: Jëtu'un ja Wintsën y'ënä'äny, mëti'ipë y'ëwtajtën yë m'apteety David: Tëës nmëtoy ijxtëm mijts të m'ëna'anyën ets mjë'ëyën myaxën tëëjës nmëtoy. Tyamës njaakyajkëjääjëja'any majkmokx jëmëjt yë mjuukyajtën.

Job 7:2

ëkë tä tu'uk yë mëtuunpë tu'ktsojkyë pyo'kxyën niktuuy, ëkë tä tu'uk yë mëtuunpë t'ëwxityën jëna'a yajmëjuy.

Job 10:17

Ka'ap xyaj'ëmaaytyä'äky mëti'ipës xynyi'ëënëpën; ni'ikyë xyajkëjääjë yë mjoot'an mëët ëjts; jëtu'un tä tsiptuunpëtëjk tsyiptuntën, jëtu'unës mijts xëmë xynyipëtë'ëky.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Isaías 16:14

Jëtu'un ja Wintsën y'ënä'äny: Tëkëëk jëmëjt yajmëtyowa'any, tä tu'uk yë mëtuunpë tmëtyoyën yë xyëëw jëna'a yajmëjuyä'änyën, pyatäämpy ja xëëw po'o ma ja ja'ay ka'ap t'oy'ixtëtyën ja Moab ja kyutujkën, tyam oy jënu'un jyayaj'ixy mayjyä'äy yowë myëët'ajtyp pyatäämpy ja xëëw jëmëjt ma wäänë jyä'äy wyë'ëma'anyën ets nitii nëjkx tkatuny.