Job 6:24 - Biblia Dc en Mixe de Quetzaltepec

²⁴ Ëkë tuk'ëwa'anëtyëkës tiis mëpaat ntuny etsës amonyës nwë'ëmëty; tuk'ënëmaaytyëkës maas të ntëkoy.

Biblia Mixe de Quetzaltepec

²⁴ Ëkë tuk'ëwa'anëtyëkës tiis mëpaat ntuny etsës amonyës nwë'ëmëty; tuk'ënëmaaytyëkës maas të ntëkoy.

Job 6:24 ပူးပေါင်းရင်းမြစ်များ

Santiago 3:2

Oy tyimpënëty aak tuuntëkoopy yë ja'ay; pën jää pën ka'ap pyokytyuny ko tii tkäjpxy, wa'ats ja'ay tääpë, ets jyäjtyp wi'ix tmajts'itëtyën yë nyi'kx kyopk.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Job 10:2

Mijts Dios, pokyjyä'äyës të xypyëjktä'äky. Tuk'ënëmaaykyës tiijës xytyukpoky'ijxp.

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Salmos 19:12

¿Pën jëtää kë'ëm y'ëkja'awëy'ijtyp ko tii oy tkatuny? Wintsën, mä'kxkës yë ntuuntëko'oy nkajpxtëko'oyën mëti'ipë yu'utsy ijtpën.

Job 34:32

tuk'ijxkës ja npoky mëti'ipës ka'ap n'ixyën. Pën ëjts tëëjës winë tëkatsy ntuny ka'apës jëtu'un n'ëk'ëtë'ëtsanë?

Job 33:1

Paaty yam n'ënëëmë mijts Job, ko xymyëtoow'itëty yë n'aaw n'ayukës; mëtoow'itëty yajxon mëti'ipës yam nimëtya'akäämpyën.

Job 5:27

Yë jot winma'any mëti'ipë yajpatpën ko njuuky'ajtmëty, yë'ë yajkajpxp niwijy nikujk; ja'akyukë mijts kë'ëm ets xymyëpëkëty ko tëy mëti'ipë myajtukmëmëtyakpën.

Proverbios 25:12

Jëtu'un tä kë'ëjiitsën ets nantsëmën mëti'ipë wa'ats pu'ts pujxn myëët'ajtypyën, jëtu'un nyäxy ko tii nyajtukmëkajpxmëty ets nyajtuk'ënëmä'ämyëty, ets oy nkupëjkmëty.

Job 32:11

Tëës nmëtoow'ity ko tu'uk ja aaw ayuk të xykyäjpxy. Tëës n'ixy wi'ix nitu'ukjaty ja aaw ayuk mëk të xymyëmay të xymyëtajtën ko të xykyajpxpëtsëmtë,

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.

Job 6:23

ka'ap yam n'amëtowtë etsës xynyiwaantu'utëty maas yë nmëtsipën etsës xyajpëtsëmtëty maas tsumy matsy xyaj'itën yë mä'tspë.

Job 6:25

Mëtëypyë aaw ayuk ka'ap tjëkyepy pën t'ëtukëty; miitsëty nanëkookyëjxm je'eyë xy'ojtë xya'axtës.

Job 13:23

Tuk'ëwa'anëkës, ¿tiijës npoky'äjtyp ets tiijës të ntuuntëkoy? ¿maas të nyajja'ay'ooky?