Job 6:21 - Biblia Dc en Mixe de Quetzaltepec

²¹ Jëtu'un miitsëty njawëtë: koos xy'ixtë o'ktëy njatyës, ni'ikyë mtsë'ëkëtë.

Biblia Mixe de Quetzaltepec

²¹ Jëtu'un miitsëty njawëtë: koos xy'ixtë o'ktëy njatyës, ni'ikyë mtsë'ëkëtë.

Job 6:21 ပူးပေါင်းရင်းမြစ်များ

Salmos 38:11

Yë ja'ayëty mëti'ipës ënety oy mëët nnäjyawëtyën ets yë njëëky nmëku'ukës jëkäm yajpaatë, jä'ä koos npu'utsy.

2 Timoteo 4:16

Koos ënety nänyikajpxtu'utyë ma ja kutuunkëtyën, ka'ap ojts pën xypyutëkës, ni'ëmukë xy'ëxmajtstaaytyës. Jääpëk yë Dios ka'ap tja'amyetsy.

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Dios ja kyäjpxynyajxpëtëjk jyääytyën. Ënet ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

Mateo 26:31

Jamts ja Jesús ojts y'ënë'ëmxëtë: Xy'ëxmatsantëpës miitsëty ni'ëmukë ya'atë tsu'um, jä'ä ko jëtu'un ja Dios ja y'aaw y'ayuk y'ënä'äny: Nyaj'ookäämpyës ja kupixyny këwent'ajtpë ets ja kupixyny jëtu'unyë kyääkwa'kxta'aja'antë.

Jeremias 51:9

Tëës njapëjkta'aktë yë tsyooy yë Babilonyë, ka'ap të tsyo'oky. Ixmatstë. Tsojk yaa ntimtsyo'onëmë, tsojk nixim niyam ntimjya'amëmë ma nnaax'ajt nkajpn'ajtëmën. Jampaat tsajpjotm të jyä'ty yë tyuuntëko'oy kyajpxtëko'oyën, jëtu'un yaj'ixy yë nyëë pyokyëty tä yoots nëma'ajën.

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Proverbios 19:7

Pën ëyoopë yë ja'ay, yë'ëpaat yë myëkä'äx ka'ap y'oyjyawëty; ni'ik mëti'ipë je'eyë mëët oy nyäjyawëtyën, poj'am nyawa'ktu'utyë.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

Job 6:15

E miitsëty mëku'uktëjkëty, nimaajës xykyaputëkëtë. Jëtu'un miitsëty myajpatnëtë tä nëëwokën mëti'ipë tëë tyëtsnën.

Job 6:22

Ëjts ka'ap yam mijts tii n'amëtowtë, ka'ap yë wit meeny yam n'amëtowtë etsës ntso'okëty;

Job 19:19

Yë'ëpaat yë ja'ayëty mëti'ipës ënety mëët oy të nämyäyën ëxëëkës xy'ijxnëtë; mëti'ipës ënety ntsojkpy nja'apën tëëjës ja xymyëtsiptso'onëtë.