Job 6:20 - Biblia Dc en Mixe de Quetzaltepec

²⁰ e ko jam t'ixtë ka'ap tii nëë, nëkooyë ëxëëk nyäjya'awënëtë ets tim tëkooytyääytyëp yë jyotkujk'ajtënëty.

Biblia Mixe de Quetzaltepec

²⁰ e ko jam t'ixtë ka'ap tii nëë, nëkooyë ëxëëk nyäjya'awënëtë ets tim tëkooytyääytyëp yë jyotkujk'ajtënëty.

Job 6:20 ပူးပေါင်းရင်းမြစ်များ

Romanos 9:33

Jëtu'un ijxtëm ja Dios ja y'aaw y'ayuk kyëxja'ayëtyën: Ja'aykyukëtë, npëjktäkpypës jam Jerusalén tu'uk ja tsaa, tu'uk ja tsaa mëti'ipë ja'ay yajkëtawëpën ko jam kyunäpëty. Pën yë'ë tyuk'ijxpejtyp, ka'ap tsyëtyu'unpaata'any.

Romanos 5:5

Ya'atë mëpëjkën ka'ap maa tëkatsy xyajwë'ëmëty, jä'ä ko yë Dios tëë xymyo'oyëm ja tsyojkën jya'awën ma njoot'ajt nwinma'any'ajtëmën mëët ja kënu'kxymyëk'ajtën.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Jeremias 15:18

¿Wi'ix ko ja npëjkënës n'ijxënës ka'ap myony, wi'ix ko yë ntsëtyutës ka'ap tsyooymyäy ets oy jyatsooypyety, nijënu'un kyatso'oky? Jëtu'un të m'awinpijnë tä nëëjën mëti'ipë täämjëtijtpën, ka'ap oy ntukjotkujk'ajtmëty.

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

Job 19:13

Dios të tuknipëjktaakë ets nmëku'uktëjkës mëti'ipës ënety mëët oy nämyäyën xy'ëxmatstëtyës ets xymyëjëkämkä'äktëtyës etsës jëtu'un xy'ixtëty jaaypyaat jaaypyo'kxyën.

Proverbios 25:19

Ko ja ja'ay ntuk'ijxpäjtmëty mëti'ipë ka'ap wyintëy wyinkujkëtyën jää jotmayjoty, jëtu'un tpaaty tä jeexyë tekytyu'uk pën ye'eyën jä'ä ko tekytyëj, ëkë tä jeexyë tyëts tukkayën mëti'ipë të kyutëjtu'utyën.