Job 5:5 - Biblia Dc en Mixe de Quetzaltepec

⁵ Jam ma kyam tyu'ujëtyën, oy tii tjayaj'itë, yë'ë jyë'kxtaaytyëp mëti'ipë yuu'o'këtëpën ets jap muum äpnyjoty pyëtsëmtë, mëti'ipë tëtsëtëpën ëxëëk y'ixëtë ko kyuwit kyumeenyëty.

Biblia Mixe de Quetzaltepec

⁵ Jam ma kyam tyu'ujëtyën, oy tii tjayaj'itë, yë'ë jyë'kxtaaytyëp mëti'ipë yuu'o'këtëpën ets jap muum äpnyjoty pyëtsëmtë, mëti'ipë tëtsëtëpën ëxëëk y'ixëtë ko kyuwit kyumeenyëty.

Job 5:5 ပူးပေါင်းရင်းမြစ်များ

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënety yajjëjp'ijxpën; tyam ënät njanty y'ijxëmë.

Oseas 8:7

Ojts tni'iptë poj ets yë'ë yajpëtë'ëkantëp tuupoj; ka'ap nëjkx tyajpëtë'ëktë pyëjktä'äkyëty ma kyam tyu'ujëtyën, ka'ap nëjkx tmëët'atë yë tsyajpmokëty; e ko tjapaatëty wiink ja'ay nëjkx tjë'kxtë tpëktë.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Jeremias 51:34

Jëtu'un yë Jerusalén ja'ay y'ëna'antë, mëti'ipë Sión kajpn'ajtpën: Nabucodonosor, Babilonyë yajkutujkpë, piw nuukës të xytyuunta'ay etsës të xytsyu'utsy të xywyitsy; jëtu'unës të xy'ëxmatsy tä texyën mëti'ipë tukwa'atsën. Jëtu'unës të xyjyiiny tä mëj jëyujkën nëëjotypë tsyëënën; të nyäyaj'utsy nyäyajku'uxyë mëët yë njot nini'kxës; e mëti'ipë të tka'ëktsojknën, jëtu'unyë të tniye'eytyu'uty. Wä'än yë Babilonyë tkukëpety ijxtëmës të xytyunyën.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Job 20:15

Jëtu'un t'ix'ë'tsta'ay ja wit meeny mëti'ipë ja myëku'uk atsip të tpëjkën; Dios jap jyu'typ jyootjoty.

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Dios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Job 2:3

Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 1:17

Tam ënety kyamëtyakta'aynyëm ya'atë ja'ay ko wiinkpë myiiny ets y'ënäny: Yë'ë Caldeo ja'ayëty ëëts të xytyukja'të, nitëkëëkpëky të y'itë ets të tmä'tsta'atë ja jëyujk jëku'ux ets tëë tyaj'o'kta'atë ja mëti'ipë këwent'ajtëpën. Ëjtsyë të njaake'eky etsës nikajpxa'any ma mijtsën mëti'ipë të tyuny të jyätyën.

Job 1:15

ko ajotkumonë të xytyukja'tës yë sabejë ja'ayëty ets të tmä'tsta'atë ja tsajpkaa ets tëë tyaj'ooktë ja tuunpëtëjk. Ëjtsyë të njake'eky etsës nikajpxa'any ma mijtsën mëti'ipë të tyuny të jyätyën.

2 Crónicas 33:11

Paatykyëjxm yë Wintsën tyukniwoowpäjtëtë ja Asiria ja'ayëty ets tmajtstë ja Manasés ets tsumy xoty ojts tyajnëjkxtë jam Babilonyë, mëët pujxntejpxy.

Jueces 6:11

Paaty yë Wintsën yaa ja kyukäjpxy myiiny ets nyaaxwe'tsy jam xojpa'tkë'ëm ma txëëwatyën Ofrá ma ja Joás ja nyaaxjotën, yë Abiézer yë jyä'äy. Yë Gedeón yë myaank, yë Joás yë'ë ënety jam yë tsajpmok yajpajk'ajtyp ayu'utsy, ma ja ja'ay ja tsatym ijty twintääntën ets tyajkojtë ja tsatym nyëë, jä'äkyëjxm ënety jam ayu'utsy yajpaaty këtiipë ja Madián ja'ay y'ixëtëty.

Deuteronomio 28:51

Nëjkxëp tkutsu'tsta'atë ja mjëyujk mtsajpkaajëty ets tjë'kxta'atëty ja m'aaytyëëm m'ujts tëëm; jëtu'unyë nëjkx mnajtswitsëty, nitu'knuukyën yë tsajpmok, nitu'knu'unën yë on ets ni tu'ktsunyën yë tsatym nyëë, näjyëtu'un ja mjëyujkëty mtsajpkaajëty mtsajppaxëty mkupixynyëty mëti'ipë mëët'ajtypyën wa'ats nëjkx tyajnëjkxta'atë ets nëjkx mijts myuu'o'knë.

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënety të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Lamentaciones 2:5

Jëtu'un yë Wintsën të y'ëti'itsy mëtsipën; tëë tyajkutëkoy yë Israel, tëë tyajjijtë'kta'ay yë kyutujkëntëjk, tëë tyajkutëkooytyä'äy yë kyajpn mëti'ipë ta'tspëky ets këwent'aty, ijtpën ets të tukpata'ay ja Judá ja ëyo'on jotmay.

Job 20:22

Ma ënety nëkooyë ja wit meeny tpatnën, ni'ik jää kyëjääjëja'any ja jyotmay; jä'ä ko yë ëxëëkja'aytyëjk jää nëjkx ëxëëk tyunyë.

Job 22:10

Paaty yë o'kën mnaye'ey mnanaxyë ets ajotkumonë yë tsë'ëkë mtuktëkëty.

Salmos 109:11

Wä'än yë yajnu'kxpë tmënëjkxta'ay mëti'ipë jyä'ä'ajtypyën, wä'än yë wiink ja'ay tjä'ä'ajta'ay mëti'ipë të tnitunën.