Job 5:20 - Biblia Dc en Mixe de Quetzaltepec

²⁰ Ko ënety yuu xëëw y'ity, nëjkxëp myajtso'okyë këtiipë myuu'ookëty; ko ënety tsip y'ity, myajtso'okanëp ma ënety pën mkupuxa'anyën.

Biblia Mixe de Quetzaltepec

²⁰ Ko ënäty yuu xëëw y'ity, nëjkxëp myajtso'okyë këtiipë myuu'ookëty; ko ënäty tsip y'ity, myajtso'okanëp ma ënäty pën mkupuxa'anyën.

Job 5:20 ပူးပေါင်းရင်းမြစ်များ

Salmos 33:19

tääts tyajtso'oka'any o'kpë akujky, ets tmo'oja'any yë juukyajtën oy jënu'un yuu xëëw y'itëty.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Proverbios 10:3

Dios ka'ap tyaj'ayuu'aty yë ja'ay mëti'ipë oyjyä'äyën, mëti'ipë ëxëëk ja'ay'ajtpën ni'ikyë tukpaaty yë yuu, e oy jyakaay jya'ukpë, je'eyëm yë yuu tjawëja'any.

Salmos 37:19

Ko ënety tsip ja juukyajtën, yë'ëjëty jotkujk yajpaata'antë, ko ënety ja yuu xëëw y'ity, yë'ëjëty ka'ap y'ayuu'ata'antë.

1 Reyes 17:6

Ja jooky jä'ä myënëjkxtëp ja kyääky y'uuky jopyëp ets jënäkyxyëëw. Ets jä'ä ja nëë y'ukpy mëti'ipë japën wokjoty.

Génesis 45:7

E Dios yë'ëtsës jëwyiin të xykyexy, këtiipë ja mtikts m'aats kyutëkoytyëty naaxwiiny ets nyajtso'okëtyës mëj winma'any këjääwinma'any ja mjuukyajtënëty.

Habacuc 3:17

Ënätës ntukxoonta'aka'any ja Wintsën mëti'ipë yajnitsokpën. Je'eyëmës nmëjjawëja'any nkënu'kxyjyawëja'any yë higo kepy, tsatym kyepy ets olivë'aats oy ka'ap yë pyijy t'ëk pëjktaknëty ets kya'ëktëëmpäjnëty; oy jam kamjotm tii kya'ëkwintëëwnëty; oy kya'ëknimayënëty yë kupixyny ets tsajpkaa ma ku'ëkemy yajpaatën.

Salmos 144:10

Mijts myajmëtäkpy yë yajkutujkpëtëjk jam tsipjotm; tëë xyajtso'oky yë mtuunpë David, mijtsës xyajtso'okëp ma ja'ayëtyën mëti'ipës xyaj'ookantëpën, kuwaankës ma ja'ayëtyën ka'apës n'ixy'ätyën, mëti'ipë win'ë'ëntëpën, mëti'ipë y'a'oykyë'ë xyajjë'ktëpën awin'ëënë ko waantakën tuntë.

Salmos 27:3

Oyës yë mayjyä'äy xyjyana'ëwtity, ëjts nijënu'unës yë n'aaw njot kyatsë'ëkë; oy tjatuknipëjktaakëtëty xyaj'ooka'antës, ëjts akujk jotkujkës nyajpaaty.

Mateo 24:6

Ko miits xymyëtoy'atëty ja tsip xii yaa ets ko ja ja'ay tsyiptuntëty, ka'ap mtsë'ëkëtëty, kopkpëky ko jëtu'un tyunëtëty jyatëtëty, je'eyëp ko ka'anëm ënety tpaaty ets ja naaxwiinyëtë kyukëxëty.

Isaías 33:16

Tääpë ja'ay jotkujk jyuuky'ata'any, jam tsaatunkëjxm tsoktakn tmëët'ata'any; ma nyäkyuwa'anëtëtyën, myëët'atäämpy xëmë ja kyä'äyën y'ukën, ets nëë ka'ap tyaj'ëmaaytya'aka'any.

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Dios tukmëjuytyëty ets ja jyuukyajtën nyitso'oktëty.

Jeremias 37:21

Ënet ja Sedequías yajkutujkpë ojts tni'ënä'ämë ets ja Jeremías jam tsumy y'itëty ma ja këwent'ajtpë y'itën ets tmo'otëty ja kyääky winjëpom, mëti'ipë tso'onpën ma yajtijyën Tu'u Jot Ma Ja Tsajpkääky Kyojyën. Jäpaat jyëtu'un'ajty mapaat jyaak jam'ajtyën ja kääky uuky jam Jerusalén. Yë Jeremías jam ojts y'ity tsumy matsy ma ja këwent'ajtpë y'itën.

Salmos 118:18

Tëës yë Wintsën mëk xytyiytyuny, e ka'apës të xytyimyaj'ooky.

Jeremias 39:18

Ëjts mijts nyajtso'okäämpy këtiipë pën myaj'ookëtëty, mjaakwë'ëmëp mijts juuky, jä'ä ko tëëjës xytyuk'ijxpety. Ëjts Wintsën, ëjts ënaanp.