Job 5:17 - Biblia Dc en Mixe de Quetzaltepec

¹⁷ Jotkujk ets xoontä'äky yë ja'ay yajpaaty mëti'ipë Dios ojëpën; këtii xy'ëxëëkjawëty ko m'ojëtëty yë Dios mëti'ipë maaytyääyëpën winë.

Biblia Mixe de Quetzaltepec

¹⁷ Jotkujk ets xoontä'äky yë ja'ay yajpaaty mëti'ipë Tios ojëpën; këtii xy'ëxëëkjawëty ko m'ojëtëty yë Tios mëti'ipë maaytyääyëpën winë.

Job 5:17 ပူးပေါင်းရင်းမြစ်များ

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Salmos 94:12

Wintsën, janty jotkujk yë ja'ay yajpaaty ko xytyukmëkäjpxy ënätyë ko tii oy tkatuny, jëtu'un ja ijxpëjkën ni'ikyë xymyo'oy,

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

Jeremias 31:18

Tëës yë Efraín yë y'u'unk y'ok nmëtoowë wi'ix jyi'iy yä'äxyën: Ëjts jëtu'unës ijty nyajpaaty tä tu'uk tsajpkaa yä'äyën mëti'ipë inën, e mijtsës të xyajyujytyä'äky; yajwinpijtkës jatëkok ma mijtsën, jä'ä ko mijts tu'ukyë mWintsën'ajtp mëti'ipës nTios'ajtypyën.

Job 8:5

Nikë yë'ë Dios tim ixta'a mëti'ipë maaytyääyëpën winë ets xymyëpëjktsowëty, wä'än mpa'ëyoyë.

Job 11:13

Pëjkta'ak yë mwinma'any ets winë oy xytyunëty ets yë'ë Dios mënu'kxta'ak.

Job 15:11

¿Këtii xy'oyjyawë ko yë Dios myajjotkujk'atyë ets ko oy aaw oy ayuk ntukmëkajpxtë?

Job 36:15

Mëët yë ëyo'on jotmay Dios tyajtso'oky yë ja'ay mëti'ipë ëyoopën; mëët yë pëjkën ijxën tyajja'akyukë.

Job 36:16

Mijts ojts myajtso'okyë o'kënjëjp'am, may'äämpy winë mmooyë ets myaj'ëwaatsëpëtsëëmë; ujts të tyaj'ity yë mkaaytyakn mëët yë jë'kxy pëky.

Deuteronomio 8:5

Yë'ë ëkmëmay ëkmëtajtë, ko yë Wintsën jëtu'un të mwoow'it të mwijts'itëtë, tä tu'uk yë u'unkteety tmëët'atyën yë y'u'unk.

Salmos 118:18

Tëës yë Wintsën mëk xytyiytyuny, e ka'apës të xytyimyaj'ooky.