Job 5:13 - Biblia Dc en Mixe de Quetzaltepec

¹³ Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

Biblia Mixe de Quetzaltepec

¹³ Kë'ëm yë ëxëëkja'aytyëjk ëxëëk nyätyuktunyë yë y'ëxëëkjot y'ëxëëk winma'any, yë'ë yajma'tääpy yë winma'any mëti'ipë yë ëxëëkja'aytyëjk të tjamay të tjatajtën.

Job 5:13 ပူးပေါင်းရင်းမြစ်များ

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Lucas 1:51

Tëë ja myëk'ajtën tyaj'ixyë, tëë tyaj'atëkoy mëti'ipë ënety të tjatuknipëjktaakëtën ja mëjpë këjxmëpë jyä'äy'atën.

Salmos 18:26

Mëtëy mja'ay'äty ma ja'ayën mëti'ipë mëtëy ja'ay'ajtpën ets këpety ma ja'ayën mëti'ipë këpetyën.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Ester 7:10

Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

Proverbios 3:32

jä'ä ko yë Dios nijënu'un tkatimtsyoky yë ëxëëkja'aytyëjk, e ja ja'ay mëti'ipë oyjyä'äy'ajtpën yajxon tjantytsyoky tjaantyjyawë.

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

2 Samuel 15:34

e pën mwinpijtp jam Jerusalén ets Absalón xy'ënëëmëty: Wintsën ëjts mijts nmëtunäämpy jëtu'un tääjës ojts ja mteety nmëtunyën, xypyutëkëpës ënät ets mya'atëty mëti'ipë ja Ahitófel jyawinma'any'äjtypyën,

Job 15:5

Ëxëëk yë mjot mwinma'any, paaty jëtu'un mkajpxpëtsëmy ets jä'ä mkäjpxyp ka'apë myëtëyëtyën.

Job 37:24

Paatykyëjxm yë naaxwiinyëtë ja'ay tsyë'ëkëty; oy ja'ay jënu'un y'ijxpëky'atëty yë'ë ka'ap tkumay.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Salmos 9:17

Yë ëxëëkja'aytyëjk ets ja ja'ayëty mëti'ipë ka'ap yë Dios t'ëwtatën, mëti'ipë tu'ukyë yë Dios të tja'atyëkooynyëtën, jam kyëxa'antë ma o'kën yajkutukyën.

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Jeremias 8:9

E tääpë ja'ayëty mëti'ipë nätyijëtëpën ixpëkyjyä'äy, o'ktëy jyata'antë, wintsëtyu'un jëjptsëtyu'un kyukëxëja'antë, tsuu poj jyata'antë tä jëyujk muum kyukääkën o'këntuuy. ¿Maatën ja y'ijxpëky'ajtënëty? tëëjës t'ixtij t'ëxwa'antë ja n'aaw n'ayukës.

Jeremias 9:22

Ja ye'etyëjktëjk mëti'ipë të y'ooktën, jëtu'un ja jyot nyini'kx yaj'ixtë kamjoty pyiny jyety të'ënyën, tä ja tsajpmok kyä'äyën ko nyäxy mëti'ipë yajmujkpyën ets tääpë tsajpmok ka'ap pën tpëjkë'ëky. Yë Wintsën jëtu'un ënaanp.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?