Job 5:12 - Biblia Dc en Mixe de Quetzaltepec

¹² yë'ë yajma'tääpy yë ëxëëkja'aytyëjk yë jyot wyinma'any, oy ënety tii të tjatuknipëjktaakëtë tuuntëkoya'antë, jëtu'unyë tyajtukjijtëtyä'äy.

Biblia Mixe de Quetzaltepec

¹² yë'ë yajma'tääpy yë ëxëëkja'aytyëjk yë jyot wyinma'any, oy ënäty tii të tjatuknipëjktaakëtë tuuntëkoya'antë, jëtu'unyë tyajtukjijtëtyä'äy.

Job 5:12 ပူးပေါင်းရင်းမြစ်များ

Salmos 21:11

Oy tjatuknipëjktaakëtëty myaj'ooka'anëtë ets tjaniwinmayëtëty ëxëëk mjatëty mkëpätëty, yë'ë ka'ap nitii tuntëty,

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Salmos 37:17

Jä'ä ko yë Wintsën yajkutëkoyäämpy yë ëxëëkja'aytyëjk, e ja oyjyä'äytyëjk jotkujk tyaj'ita'any.

Hechos 12:11

Ënet ja Pedro ojts nyäjya'awëpyäätyë ko tëy mëti'ipë tuunëp jajtëpën. Tää y'ënäny: Tyamës nja'akyukë ko ja Wintsën ja y'anklës të tkexy etsës npëtsëmëty pujxn tëkoty, këtiipë wi'ix xytyuntëtyës yë Herodes mëët ja jutiis ja'ayëty ijxtëm të tjatuknipëjktaakëtën.

Nehemías 4:15

Koos ja nmëtsiptëjk tnija'awëtyë ko jëjp'ixy ënety nyajpaatës ets ko tëë ja Wintsën tjijtma'ta'ay ja winma'any tä të tjanipëjktaakëtën, ënät jatëkok ntuuntëjkëtyës ets mpataaytyës nijä'äjaty ja ntuunkëtyës ma ja potsy n'akojëtënës.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Job 15:5

Ëxëëk yë mjot mwinma'any, paaty jëtu'un mkajpxpëtsëmy ets jä'ä mkäjpxyp ka'apë myëtëyëtyën.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Abdías 1:8

Jëtu'un yë Wintsën y'ënä'äny: Ko xëëw jëmëjt tpaatëty ma ënety ntëytyunyënës yë Edom, nyajkutëkoyäämpyës yë y'ijxpëkyjyä'äytyëjk ets njëpëkäämpyës yë wyijyjyä'äyëty mëti'ipë jam yajpatëpën ma Esaú y'itjotmën.

Génesis 31:22

Tëkëëk xëëw ënety të nyajxnë, ko ja Labán tnija'awëy ko ja Jacob të kye'eky.

1 Samuel 23:13

Ënet ja David mëët ja jyä'äy jam tsyo'ontë Queilá, jä'ä nyiwinë'atë nitëtujk mëko'px ets ojts nyëjkxtë muum jëkäm, ni yë'ë tkanijawëtë maajëtën nyëjkxtë. Ko ja Saúl tnija'awëy ko ja David tëë kye'eky, ënät ja Saúl jatëkok t'akajpxtujky ets ka'ap nëkoo tnitsoontëty ja David.

2 Samuel 11:9

e ja Urías ka'ap ojts nyijkxy ma tyëjkën, jämyë ojts wyi'imy ma ja tsiptuunpëtëjk jam tkëwent'atën ja kutujkëntëjk.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Reyes 6:9

Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

Nehemías 4:9

Ënet ëëts nmëpëjktsoowtë ja nTios'ajtëmë, ets yajpëjktäky ja këwent'ajtpë xëëny koots, y'ity jëtu'un ja näy'ijx'it näkyëwent'atë.

Proverbios 22:12

Yë Dios y'ijx'ijtyp kyëwent'ajtyp, yë wa'ats ja'ay ets nyikajpxtutyp ma ja'ayën mëti'ipë win'ë'ënën mëët jyamëta'aka'anyën.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?