Job 42:9 - Biblia Dc en Mixe de Quetzaltepec

⁹ Ënet yë Elifaz, Bildad ets Sofar ojts jëtu'un tuntë tä ënety yë Wintsën të tyuk'ënä'ämëtën, ja Wintsën ojts tmëtoow'ity wi'ix ja Job ojts Dios tmëkäjpxyën.

Biblia Mixe de Quetzaltepec

⁹ Ënät yë Elifaz, Bildad ets Sofar ojts jëtu'un tuntë tä ënäty yë Wintsën të tyuk'ënä'ämëtën, ja Wintsën ojts tmëtoow'ity wi'ix ja Job ojts Tios tmëkäjpxyën.

Job 42:9 ပူးပေါင်းရင်းမြစ်များ

Hebreos 11:8

Mëët ko myëpëjky ja Abraham paaty ojts ja Dios tmëmëtoy ko y'ënëmaayë ets pyëtsëmëty ma ja nyaax kyajpnën, ënät tsyo'ony ets ojts nyijkx ma ja Dios ënety ja naax tyukumayä'änyën. Ko tsyo'ony ma ja nyaax kyajpnën, ni tkanijawë maa ënety nyijkx.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Hechos 10:33

Paatyës yë nkukäjpxy ënätyë të nkexy ets mwowëtëty. Oy ko yë mëyajtën të xytyuny ko të mminy. E tyamts ëëts tu'ukmukyë nyajpaatë Dios wyintum ets yaj'amëtoow'ita'any ja aaw ayuk mëti'ipë ja Wintsën të mtuk'ëne'emyën etsës xytyuk'ëwaanëtëty.

Mateo 7:24

Paaty n'ënëëmëtë, pën y'amëtoow'ijtypyën ëjts ja n'ayuk ets tpatuny mëti'ipës nkäjpxypën, jëtu'un jä'ä ijxtëm ja ja'ay wijypyë kujkpën mëti'ipë ja tyëjk kyojën ets tsaakëjxy tpojtsë'ky.

Juan 2:5

Ënet ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Job 42:8

Tyam yë'ë mënëjkxtë yë tsajpkaa, wëxtujk xymyënëjkxtëty ets wëxtujk yë kupixyny ayääkë jam ma Job yajpaatyën ets jam xyaktëty nino'oky nixämy tä tu'uk wintsë'kënën mëti'ipë mnatyukunaxëtëpën. Yë ntuunpës Job yë'ë mkënu'kxta'akanëtëp, nmëtoow'itäämpyës tä ënety y'ënä'änyën ets ka'ap wi'ix ntuntëty; oy jëtää ka'ap mjanitëkëtë myajpokmyä'kxtëty jä'ä ko miitsëty ka'apës mëtëy të xynyimëtya'aktë, jëtu'un tä yë ntuunpënës Job.

Job 22:27

Pën m'amëtoopy winë, nëjkxëp tmëtoow'ity ets nëjkxëp xypyatuny ja m'aaw m'ayuk mëti'ipë ënety yë'ë të xytyukwinwanën.

Job 2:11

Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Ezequiel 14:14

E ma tääpë kajpnën ko jeexyë jam y'ëkmintë Noé, Daniel ets Job, yi'iyë jeexyë nitëkëëk tsoktëp jä'ä ko mëtëy yë të jyuuky'atë. Ëjts Wintsën, ëjts ënaanp.

Génesis 20:17

Ënet yë Abraham ojts yë Dios tmënu'kxtä'äky, tä ja Dios jatëkok tyajjëwä'ky ja yuu pa'am ma ja Abimélec ja jyot nyini'kxën ets ma ja tyo'oxytyëjkën. Ojts näjyëtu'un tsyo'oktë y'akëta'aktë ja tyuunpë ets mëpaat y'u'unk'ixtë.

Job 22:30

Yë'ë myajtso'okanëp pën ka'ap tii poky xymyëëtëty ets pën ka'ap tii të xytyuuntëkoy të xykyajpxtëkoy.