Job 42:16 - Biblia Dc en Mixe de Quetzaltepec

^16-17 Jä'ä ojts yë Job ok jyaakjuuky'äty; mëko'px ja wëxtyikxy jyëmëjt ets ko ojts y'o'knë tëë ënety yajxon myëjja'ayënë, ojts tjaak'ixy yë y'u'unk y'ëna'k, y'o'k u'unk y'ok'ëna'k ets ja y'u'unk y'ok.

Biblia Mixe de Quetzaltepec

^16-17 Jä'ä ojts yë Job ok jyaakjuuky'äty; mëko'px ja wëxtyikxy jyëmëjt ets ko ojts y'o'knë tëë ënäty yajxon myëjja'ayënë, ojts tjaak'ixy yë y'u'unk y'ëna'k, y'o'k u'unk y'ok'ëna'k ets ja y'u'unk y'ok.

Job 42:16 ပူးပေါင်းရင်းမြစ်များ

Proverbios 17:6

Yë mëjja'aytyëjk yë'ë tyukmëjnajxtëp yë y'ok'u'unk y'ok'ëna'k; yë u'unk ëna'k yë'ë tyukmëjnajxtëp tyeety tyaak.

Salmos 128:6

Nëjkxëp xy'ixy ja m'ok u'unk m'ok ëna'k. Wä'än tjam'aty ja jotkujk'ajtën ma Israel ja'ayëtyën.

Génesis 50:23

ojts tjaak'ixy yë Efraín yë y'ok'u'unk y'ok'ëna'k ets näjyëtu'un tjaak'ijxy y'u'unk y'ëna'k yë y'ok'u'unk mëti'ipë xyëëwajtypyën Maquir mëti'ipë ënety y'u'unk'ajtypyën yë Manasés.

Génesis 50:26

Ko ojts yë José y'o'knë, jä'ä ënety yë jyëmëjt mëko'px ja majk ets nyini'kx ojts yajtsooykyuutsy ets ojts yaj'apëkë kajoonjoty.

Génesis 47:28

Jä'ä ojts yë Jacob jap jyaakjuuky'äty Egiptë majkmokx mäjtsk jëmëjt. Paaty ko ojts y'o'knë, jä'ä ënety yë jyëmëjt mëko'px ja wëxtyikxy wëxtujk.

Génesis 25:7

Jä'ä ojts yë Abraham jyuuky'äty mëko'px ja tëkë'px majkmokx jëmëjt kä'pxy.

Josue 24:29

Wäänë jyaak'ijty, tääts ojts yë Josué y'o'knë, Nun yë myaank, mëti'ipë tmëtunyën yë Wintsën; jä'ä ënety yë jyëmëjnë mëko'px ja majk ko ojts y'o'knë.

Salmos 90:10

Tëkë'px majk jëmëjt je'eyë njuuky'ajtëmë, e pën oy jeky ntimjyuuky'ajtëmë najääjën jyä'ty majkta'pxën; e oy ënät jëtu'un njajuuky'ajtëmë jeky, ka'ap xoontä'äky nyajpatmëty oywyi'ix njaak yajnajxmëty ja xëëw jëmëjt. Yë xëëw jëmëjt tsojkyë nyäxy, näjyëtu'un ëëts'ajtëmë.

Deuteronomio 34:7

Ko yë Moisés y'o'ky jä'ä ënety yë jyëmëjnë mëko'px ja i'px, ka'ap ojts nijëna'a yë y'ijxën myony ets nijëna'a ojts kyapëky kya'ixyë, tyim'o'ky jëtu'un.

Génesis 35:28

Jä'ä ënety yë Isaac yë jyëmëjt mëko'px ja majkta'px ko ojts y'o'knë.

Génesis 11:32

Ets Taré jam ojts y'o'knë Harán, jä'ä ënety yë jyëmëjt mäjtsk mëko'px ja mëkoxk ko y'o'ky.

Job 42:15

Yë Job janty'oy janty tsuj yë nyëëx kyëxë'ktë, kamaa ënety jëtu'unpë to'oxytyëjk naaxwiinyëtë apëtsëmy y'oyëty tä yë'ëjëtyën. Yë tyeetyëty tu'knax ojts kyumayëtë tä ja yä'äy'ëna'këtyën.