Job 40:12 - Biblia Dc en Mixe de Quetzaltepec

¹² Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Biblia Mixe de Quetzaltepec

¹² Ëxëëk yajjat yajkëpät mëët ja mwiin mjëjp, yajkutëkooytya'a yë ëxëëkja'aytyëjk maajaty yajpaatën.

Job 40:12 ပူးပေါင်းရင်းမြစ်များ

Isaías 63:3

Jëtu'un, nätyu'ukës të nwinteeny yë tsatsymtsya'am, ni pën të xykyaputëkës; ëts yë nmëtsip të n'ateeny të ntukteenyës; tääts yë nye'pyny të xynyipijkëtyä'äyës ets të y'ëxë'këtyä'äy yë nwitës.

Malaquías 4:3

Jä'ä xëëw ma ënety tpaatyën mëti'ipës yam nipëjktakëpën, jëtu'unyë nëjkx xy'atään xytyuktääntë yë ëxëëkja'aytyëjkëty tä naaxwayën.

Hechos 1:25

Wä'än tuny ja tuunk mëti'ipë ja Judas y'ëxmajtsën ko ojts nyijkx ma ënety tuknipëjktaakë y'ityën.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.

Isaías 13:11

Jëtu'un ja Wintsën y'ënä'äny: Ntëytyunäämpyës ja naaxwiinyëtë ja'ay ko tyuuntëkoytyë, ja ëxëëkja'aytyëjkëty ko yaja'ay ooktë. Nyajkutëkoyäämpyës ja ja'ay mëti'ipë nämyëja'awëyëpën ets mëti'ipë amëj akëjxm ja'ay'ajtpën, ëxëëkës ntuna'any ja ja'ay mëti'ipë tsiptuunpën ets mëti'ipë ëxëëk ëtëtsp ënaanpën.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Eclesiastés 11:3

Ko yë yoots yaj'ixy yëk, tu'ujaanp ënety. Oy anëkëjxmtsow ëkë oy ëpa'tkë'ëytsyow kyëtawëty yë kepy yi'iyë yajnija'ap ko jamyëtën wyë'ëma'any ma ënety të kyëtäyën.

Proverbios 15:25

Yë Dios jyijtë'kpy yë jyëën tyëjk yë ja'ay mëti'ipë amëj akëjxm ja'ay'ajtpën, e ma ku'ookytyo'oxy tsyëënën ta'tspëky tyëjk tyaj'ijtë.

Salmos 60:12

Mëët ja Dios ja nyäpyutëjkën jyëkyejpy wi'ix tii mëj këjää ntu'unmëty; jä'ä ko yë'ë jëtu'unyë tnaxkutäänëja'any ja nmëtsip'ajtëmë.

Job 36:20

Këtii yë kootsajtën xy'atsokëty, ma ja kajpnën mëti'ipë atëkoopyën.

1 Samuel 2:7

Yë Wintsën yë yaj'ëyoop ets yë'ë yajkumeeny'ajtp, yë'ë yajkutujkpy ets nkëta'amëty nkëpijpmëty, ets yë'ë jatëkok xyajpëtë'kmëp.

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Isaías 22:19

Njëwowäämpy jam ma të myajpëjktä'äkyën, npëjkëjäämpy yë mtuunk.

Isaías 23:9

Yë Wintsën mëti'ipë maaytyääyëpën winë yë'ë të tyajkutuky ets tyaj'amoonta'aja'any ja ja'ay mëti'ipë näjya'awëyëpën amëj akëjxm ets o'ktëy tyajjata'any ja ja'ay mëti'ipë mëj'äämpy ijtpën.

Jeremias 48:29

Nnija'awëm wi'ix yë Moab kajpn amëj akëjxm nyäyajnaxyën: ko y'iy kyäjpxy, këtii pën myëjëty; në'ix pa'at'ix nyäxy tyëkë ets ni pën tkamëj'ixy.

Daniel 4:24

Jëtu'un nyiwijy ja Wintsën Ni'ik ja tyijytyu'unën mëti'ipë të tuknipëjktaakën tuna'any ma mijtsën yajkutujkpë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënety myëët'ajtypyën ma yajkutukyën.

Salmos 94:2

Mijts nipaye'epyë naaxwiinyëtë apëtsëmy; nipëtë'ëk yë amëj akëjxmëpë, tukukëpät ijxtëm pyaat'atyën.