Job 38:8 - Biblia Dc en Mixe de Quetzaltepec

⁸ Ko ojts nyiku'ëwa'atsy yë mëjmejy naaxwiinyëtë, ¿pën y'a'ijxëy mapaat nyaxëtyën?

Biblia Mixe de Quetzaltepec

⁸ Ko ojts nyiku'ëwa'atsy yë mëjmejy naaxwiinyëtë, ¿pën y'a'ijxëy mapaat nyaxëtyën?

Job 38:8 ပူးပေါင်းရင်းမြစ်များ

Génesis 1:9

Ënet yë Dios jatëkok y'ënäny: Ja nëë mëti'ipë të wyi'imyën pa'tkë'p, wä'än tnämyukyë tu'ukyë ets wä'än jëtu'un tnitëtstu'uty yë naaxwiinyëtë. Jëtu'un ojts tyuny jyätyë.

Jeremias 5:22

Ëjts mëti'ipë Wintsën'ajtpën, jëtu'unës n'ëna'any: ¿Jä'ä jëtää ko ka'apës xytsyë'ëkëtë? ¿Jä'ä jëtää ko ka'ap tsyëtyuytyë maas ëjtsënë? Ëjts të njapëjktä'äky mapaat yë mëjmejy nyaxëtyën, mapaat ka'ap nëkooyë muum nyasjä'ätsëtyën. Jëtu'un yë në'o'pky pyëti'iky ets jya'ëëtsy jyakomy, e ka'ap tninaxy mapaat të yaj'ënëëmën jya'tëty.

Proverbios 8:29

Ko ojts t'ëne'emy ja nëë këtiipë pyëtsëmëty ma jap y'ityën, ets ko tpëjktäky ja naaxwiinyëtë ma yajpaatëtyën,

Salmos 33:7

Yë'ë yajtu'ukmujkpy ets yajnipejtyp yë komnëë ma mëjnëë mejyën.

Job 38:10

Ëjts ojts npëjktä'äkyës mapaat nyaxëtyën etsës nyaj'ëtujky mëët yë ëwatsn këtiipë tninaxëty ma të yajtuk'ënëëmën jya'tëty.

Génesis 1:7

Dios ojts tu'uk tjanty yajkojy yë niwits nijuuxy, mëti'ipë yaj'ëwä'kxy'ittëpën yë nëë. Tu'kpëky ojts ja nëë wyi'imy pa'tkë'p ets tu'kpëky nëkëjxy.

Job 28:25

Ko yë Dios tmooy yë poj yë myëk'ajtën ets t'apëjktujky mapaat yë nëë nyaxëtyën,

Job 38:9

Yoots ojts ntukxoxyës ets nëma'a ojts ntuk'ixpityës.

Salmos 104:6

Ja nëëkom yë'ë ijty yajnituky'ijtyp yë naaxwiinyëtë jëtu'un tä jeexyë yë'ë twit'atyën; Aak nituky ijty y'ijta'ay yë tun kopk.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Isaías 40:12

¿Pën jëtää yë mëjmejy të t'ëk'atsa'tëpë, ëkë yë kyë'ëwa'axy mëët të t'ëkkijpxpë yë tsajp? ¿Pën jëtää yë naaxway të t'ëk akijpxnajxpë jënu'un jye'emtyëtyën, ëkë të t'ëk kijpxtääpyë jënu'un jye'emtyëtyën yë tun kopk?

Salmos 107:24

jam nëëwiinkëjxy, ojts jam t'ixtë wi'ix yë Wintsën janty'oy janty tsuj winë të tyajkojy të tpëjktä'äkyën.