Job 38:4 - Biblia Dc en Mixe de Quetzaltepec

⁴ ¿Maa ënety mijts myajpaaty koos ojts yë naaxwiinyëtë nyajkojy? Tuk'ëwa'anëkës, pën mijts mjanty nyija'ap winë.

Biblia Mixe de Quetzaltepec

⁴ ¿Maa ënäty mijts myajpaaty koos ojts yë naaxwiinyëtë nyajkojy? Tuk'ëwa'anëkës, pën mijts mjanty nyija'ap winë.

Job 38:4 ပူးပေါင်းရင်းမြစ်များ

Génesis 1:1

Ko tsyo'onë'ky tsyo'ontäky, Dios yë'ë ojts tyajkojy ëka'any tsajp ets naaxwiinyëtë.

Génesis 2:4

Ya'atë jëtu'un yë nyimëtyä'äky, wi'ix ojts yë tsajp ets naaxwiinyëtë kyojtën. Ko yë Wintsën ojts tyajkojy yë tsajp ets naaxwiinyëtë,

Job 15:7

¿Jä'ä mmay mtajy ko ma ënety mijts ka'ap mjuuky'ätynyëmën ka'ap ijty maa ja'ay ets yë'ëpaat ijty kyajääjëty yë tun kopkë?

Job 28:25

Ko yë Dios tmooy yë poj yë myëk'ajtën ets t'apëjktujky mapaat yë nëë nyaxëtyën,

Job 34:13

ka'ap pën myo'oyë kuttujkën ets y'ënä'ämëty ma tëkokyë naaxwiinyëtën.

Salmos 102:25

Mijts ojts xyajkojy tëëyëp yë naaxwiinyëtë, ets mijts ojts näjyëtu'un kë'ëm xyajkojy yë tsajp.

Salmos 102:26

Tu'kë'ëyë winë nëjkxëp jëna'a kyutëkooytyä'äy, e mijts kë'ëyxyëëw kë'ëyjyëmëjt m'ity. Tu'kë'ëyë winë jëtu'un tyujktaja'any tä witën; mijts nëjkx kë'ëm xyajtëkatsy, jëtu'un tä ja'ay wyit tjääntëkatsyën.

Salmos 104:5

Ojts yë naaxwiinyëtë xyajta'tspëky këtiipë nijëna'a yu'kxëty.

Proverbios 3:19

Mëët ja wijyajtën ets ja nija'awën ojts tyajkojy yë Dios yë tsajp ets naaxwiinyëtë.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Proverbios 8:22

Ëjts yë Dios ojts më''ëka'any xyajkojy ma ënety ka'ap nitii kyojynyëmën, ma ënety ka'ap tii tsyo'ontä'äkynyëmën ets t'oytyunyëmën.

Isaías 40:14

¿Pën jëtää të t'ëk kajpxwijpë ets të t'ëk tukja'akyujkëpë winë? ¿Pën të tyuknipëkyë wi'ix winë tëy tëtä'äky tnipaye'eyëty? ¿Pën të tyukni''ixëty ja wijyajtën? ¿Pën të myo'oyë ja ijxpëky'ajtën?

Jeremias 10:12

Yë Wintsën jä'ä ojts tyajkojy yë naaxwiinyëtë mëët yë myëk'ajtën, mëët yë wyijy'ajtën tyajta'tspëjky, mëët yë kyëpetyajtën twijtstëëy yë tsajp.

Amós 4:13

Yë Wintsën mëti'ipë yajkojën yë tun kopk ets poj, mëti'ipë tyuknija'apën yë naaxwiinyëtë ja'ay tii tyunäämpyën, mëti'ipë yaj'awinpijtypyën yë kootspë të'kxën jajën, mëti'ipë y'aye'epyën yë itjot naaxjot këjxmëtypë naaxwiinyëtë apëtsëmy. Wintsën, Dios mëti'ipë maaytyääyëpën winë txëëwaty.

Hebreos 1:10

Näyjyëtu'un y'ënäny: Mijts, Wintsën, ka'anëm ënety tiinëm ko xy'oytyuuny ja naaxwiinyëtë, mijts kë'ëm myajkoj ja tsajp.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm