Job 38:17 - Biblia Dc en Mixe de Quetzaltepec

¹⁷ ¿Tëë xy'ëk'ijxpë maa yajpaatyën ja nyitëjk'aaw ja akootstuuyajtën ma y'ityën ja o'kën tëko'oyënë?

Biblia Mixe de Quetzaltepec

¹⁷ ¿Tëë xy'ëk'ijxpë maa yajpaatyën ja nyitëjk'aaw ja akootstuuyajtën ma y'ityën ja o'kën tëko'oyënë?

Job 38:17 ပူးပေါင်းရင်းမြစ်များ

Salmos 9:13

Wintsën, pa'ëyoow najts'ëyo'owëkës, ëk'ix wi'ixës xyaj'ëyowtën ja ja'ay mëti'ipës xy'ëxëëk'ijxtëpën, yajpëtsëëmkës o'kënjëjp'am,

Salmos 107:18

nitii jë'kxy ënety tka'ëkmëmëtaknëtë; tim ookanëtëp yaj'ijxnëtë.

Job 3:5

Nikë oy'ajt ko jeexyë tyimkootsëy, ëkë ko jeexyë ojts tyimwintujkta'ay, ëkë ko jeexyë ojts jää xëëw y'ooky ets tsyë'këtyääytyë ja ja'ay.

Salmos 107:14

ojts yajpëtsëmëtë ma ënety yajpaatën akootstuuy ets ojts yaj'ëwaatsëpëtsëmëtë ma ënety yajpaatën tsum matsy mëët ja pujxntä'äky.

Salmos 107:10

Jä'ä ënety yajpaatë kupi'its kukoots, ets tsumy matsy ma ja monyë tukyën,

Salmos 23:4

Oyës muum naxëty akootstuuy, ka'apës ntsë'ëkëja'any, jä'ä ko mijts Wintsën mijts myajpatp ma ëjtsën, ja mkepy mtajk yë'ëjës xytyuk'ateenytyujkp xytyuk'axajtujkp, paaty akujk jotkujk ntuk'ijxpetyës.

Job 12:22

Yë'ë yajniku'ëwatsyp ets yajnijawëty mëti'ipë ënety yu'utsy ijtpën ets mayjyä'äy tnijawëty mëti'ipë ënety yu'utsy myëët'ajtëpën.

Mateo 4:16

ja ja'ayëty mëti'ipë ënety kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënety juuky'ajtëpën tä jeexyë të y'o'knëtën.

Amós 5:8

Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kuttujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Salmos 116:3

Ja o'kën jëtu'unës të xytyukja'ty tä ja'ay yajtsumy yajxotyën mëët yë tejpxy, tëës ja monyëtukyë xytyukja'ty mëti'ipë jap tso'onpën o'kpëjutjoty tä jeexyë tsumy matsy nyajpaatyënës jëtu'unës të näjyawëty mëët ja tsë'ëkë ets ja pëjkën ijxën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Job 10:21

ma ka'anëm ntsoonyëmës, maas ka'ap n'ëkwinpitanën, ma ja kajpn api'its akootspë yajpaatyën ets ma xëmë kyoots'ityën,

Job 11:8

¿Tii mnatunäämpy? këjxm ni'ik yajpaaty këtiinëm yë tsajp. ¿Wi'ix xynyanijawëja'any? këk ni'ik yajpaaty këtiinëm yë tsajpkëk.

Job 26:6

Yë o'ktakn, ma o'kën yajkutukyën, ka'ap jap tii yu'utsy'ity mëët yë Dios.

Job 34:22

Ka'ap maa kootsajtën mëti'ipë yu'utsëpën yë tuuntëkoopyë kajpxtëkoopyë.