Job 36:3 - Biblia Dc en Mixe de Quetzaltepec

³ Yë'ëjës yam nyajtuunkpaatäämpy yë n'ijxpëky'ajtënës ets nyajnikëxë'ëka'anyës ko yë Kojpë Ma'kxpë myëët'ajtyp yë tëyajtën.

Biblia Mixe de Quetzaltepec

³ Yë'ëjës yam nyajtuunkpaatäämpy yë n'ijxpëky'ajtënës ets nyajnikëxë'ëka'anyës ko yë Kojpë Ma'kxpë myëët'ajtyp yë tëyajtën.

Job 36:3 ပူးပေါင်းရင်းမြစ်များ

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.

Daniel 9:14

Paaty mijts Wintsën jëtu'un të xytyuknipëjktaakë etsës të xytyuknikäxtë ja ëxëëkajtën; jä'ä ko mijts Wintsën mëtëy winë xytyuny, e ëëtsëty ka'apës të nmëjpëjkta'aktë mëti'ipë mijts të xyjyanikäjpxyën.

Daniel 9:7

Mijts Wintsën, mwa'atsmës, e ëëtsëty jutië ja'ayëty wintsëtyu'un jëjptsëtyu'un ëëts näjyawëtë; mëti'ipë juuky'ajtëpën jam Jerusalén ets wiinktsowpë yë Israel ja'ayëty, wiinkonëtypë ets jëkämëtypë, mëti'ipë yajpatëpën wiink naax wiink kajpn ma ojts mijts xynyajtswopën.

Salmos 145:17

Yë Wintsën wa'ats winë tuny ma nyë'ë'aaw tyu'u'aawën, aak'oy winë tuny tkäjpxy.

Salmos 11:7

Yë Wintsën oy tii tnipaye'ey, ets tsyojkpy ja mëtëypyë ja nipaye'eyën; paaty yë ja'ay mëti'ipë oy juukyajtpën y'ixantëp yë Dios wiinxë jëjpxë.

Job 32:8

Oy jyayajnijawë ko tu'kë'ëyë ja'ay aak myëët'ajtyp ja jot winma'any, jä'ä ko yë mëti'ipë maaytyääyëpën winë tëë tmo'oy nitu'ukjaty yë ja'ay wi'ixjaty myäyëty tyajëtyën.

Job 8:3

Yë Dios, mëti'ipë maaytyääyëpën winë, ka'ap nijëna'a tëyajtën tyajma'aty ets ka'ap nijëna'a tuny ka'apë myëpaatëtyën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

Romanos 9:14

¿Wi'ixts na'ëna'anmëty? ¿Wä'än jëtää n'ëna'anmëty ko ka'ap y'oyëty mëti'ipë ja Dios tyuunpyënë? Niwi'ix'äämpy.

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Job 37:23

Tsip nwinja'awëmëty mëti'ipë maaytyääyëpën winë, jä'ä ko yë'ë nëkooyë tmëët'ajnë yë mëjaaw ets wa'ats yë'ë; tëy ets ka'ap pën tyaj'ëyoy.

Job 34:5

Yë Job jëtu'un y'ënä'äny: Ëjts ka'apës tii poky nmëëtëty, yë Dios ka'apës npoky xypyaye'eyë.

Job 32:2

E jam tu'uk ja ja'ay mëti'ipë xyëëwajtypyën Elihú, yë Baraquel yë myaank, Buz ja'ay, yë'ë y'u'unk y'ok yë Ram; ënät ojts kyajpxë'ëky, tëë ënety jeky y'ity amonyë oy jënu'un ja Job tjatuk joot'anpëky ko ni'ikyë y'ënaan'ëtë'ëtsy ko ka'ap tii poky tmëëtëty ets yë'ë pyoky'ijxyp ja Dios.

Job 4:17

¿Wä'än jëtää tu'uk yë naaxwiinyëtë ja'ay wa'ats y'ëkjuuky'atëtyë, wä'än jëtää ka'ap tii poky tuuntëkoyëty Tioswintuuyë?