Job 32:21 - Biblia Dc en Mixe de Quetzaltepec

²¹ Ka'apës win'ixy wiinkexy ja'ay nimëtya'aka'any, tu'knaxës yam nimëtya'aka'any.

Biblia Mixe de Quetzaltepec

²¹ Ka'apës win'ixy wiinkexy ja'ay nimëtya'aka'any, tu'knaxës yam nimëtya'aka'any.

Job 32:21 ပူးပေါင်းရင်းမြစ်များ

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Job 13:8

Miitsëty je'eyë Dios ëëwpäjn kajpxpäjn xywya'antë ets yi'iyë mkë'ëmjot mkë'ëmwinma'any mëjpëjktaktëp,

Proverbios 24:23

Ya'atë ojts näjyëtu'un tkajpxtë wijyjyä'äytyëjkëty. Ka'ap y'oyëty ko jam ma kutujktaknën win'ixy wiinkexy ja'ay yaj'oyjyawë.

Job 13:10

Pën yë'ë y'ijxyp ko ënety miitsëty tii wiinkë'ëy akë'ëy xynyikajpxtë, ëxëëk yë mtunëtëty.

2 Samuel 14:20

E paatyën jëtu'un të wyinma'anypyääty ets ka'ap ni'ikyë ja amay jotmay jyää'atëty, mijts yajkutujkpë mëët ja mwijyajtën, wa'ats winë xynyijawë tiijaty tuunëpën jajtëpën naaxjoty kajpnjoty ijxtëm tu'uk yë Wintsën yë kyukexyën.

2 Samuel 14:17

Ëjts Wintsën, akujk jotkujkës nwë'ëmy mëët koos të xyjyotmëk wiinkajpxë, mijts Wintsën tyamës n'ixy ko wa'ats xynyijawë mëti'ipë oy ka'oyën, jëtu'un tä jeexyë tu'uk Dios kukexyën. Yë Wintsën mkënu'kxëtëp.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Deuteronomio 1:17

Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Job 32:20

Ëjts kopkpëkyës ko nkäjpxy ënätës oy näjyawëtëty, kopkpëky mijts nmo'ojëty ja ëtsoowinpijtën.

Job 32:22

Ëjts ka'apës jëtu'un nwinjawë ets win'ixy wiinkexy yë ja'ay nimëtya'akëtyës, koos jëtu'un n'ëtë'ëtsëty tsojkës yë Dios xytyuktëytyunëty poj'am, mëti'ipë winë të tyajkojyën.

Job 33:3

mëtëyës yam nkajpxa'any ets yë'ëjës yam nimëtya'akäämpy mëti'ipës nmääpy ntäjpyën.

Salmos 82:2

¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Proverbios 28:23

Jëna'ajëty ni'ik yaj'oyjyawë mëti'ipë nimëtyakpën ko tii oy kyayajtuny, këtiinëm ja ja'ay janty oypyë nyimëtyä'äkyën.

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.