Job 30:1 - Biblia Dc en Mixe de Quetzaltepec

¹ Tyam je'eyës xytyukxi'iktë yë ëna'ktëjkëty mëti'ipës ka'ap mëët ntu'knaxëtyën, mëti'ipës jeexyë ka'ap të nkupëkyën ets jam yë tyeety yajpaatëty maa ja uk tkëwent'atyën ja nkupixynyës.

Biblia Mixe de Quetzaltepec

¹ Tyam je'eyës xytyukxi'iktë yë ëna'ktëjkëty mëti'ipës ka'ap mëët ntu'knaxëtyën, mëti'ipës jeexyë ka'ap të nkupëkyën ets jam yë tyeety yajpaatëty maa ja uk tkëwent'atyën ja nkupixynyës.

Job 30:1 ပူးပေါင်းရင်းမြစ်များ

Job 12:4

Oyës nkapokymyëëtëty ets oyës nitii tuuntëko'oyën nkamëët'aty ets oy të nyäxy ja xëëw jëmëjt ma ijty ja Dios tmëtoyën koos nmëkäjpxy, yë njëëky nmëku'ukës mëti'ipës mëët oy nnäymyäyën, je'eyës tyam xytyukxi'iktë.

Lucas 23:35

Tam ja mayjyä'äy t'ixtë, kutuunkpaat ja Jesús nëxiktë tukxiktë ets y'ëna'antë: Tëë yë wiinkpë tyajtso'oky, wa'an ënät tyam kë'ëm näyajtso'okyë; pën yë'ë janty Kristë, mëti'ipë Dios të wyin'ixyën.

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

2 Reyes 2:23

Ënet ojts ja Elisejë jam tsyo'onë ets jam nyëjkxnë Betel. Jam ënety jëtu'un tu'ujotm wyimpety, ko jam nimay ëna'ktëjk kyu'ujtë ets tyëjkëtyë xikpë, jä'ä tyukxiktëp ja Elisejë, tä tjanty ënëëmëtë: Kutë'kx tsojk winpät.

Tito 1:12

Ojts tu'uk yë ja'ay y'ity Creta ja'ay, yë'ë jyiiky myëku'uk nyimëtyäkpy ets y'ënäny: Yë Creta ja'ayëty, je'eyë y'anta'aktë, na'uk najëyujkën yë'ë jyä'äy'atë, käx ets nuuxëty.

Hechos 17:5

Tam ja Judá ja'ayëty mëti'ipë joot'anpëjktën ets twoowmujktë ja ëxëëkja'aytyëjk mëti'ipë jëtijtëpën jam kajpnjotm ets ja ja'ay tyajjoot'anpëjktë ets ënätyë ye'eymyujktë. Ënet ojts pëyi'ikyë nyëjkxtë ma ja Jasón ja tyëjkën, ja Pablo ets Silas myatsantëp ets tkë'ëka'antë ma kutuunkën;

Lucas 23:39

Tu'uk ja pokyjyä'äy mëti'ipë ënety jam kutëyën, jä'ä ojts wyinkajpxpetyë: Pën mijts mKristë, näyajnitso'okët kë'ëm ets yajknitsoktëk ëëts näjyëtu'un.

Lucas 23:18

Tääts ni'ëmukë ja ja'ay tyëjkëtyë yaxpë jojkpë: Yajjëwa'ak yë tääpë. Yaj'ëwa'atsëpëtsëm yë Barrabás.

Lucas 23:14

ets t'ënëmaay: Miits ya'atë ja'ay xytyuknimiintëpës ets m'ëna'antë ko yë'ë t'akajpxë ja naax kajpn. Tëës npaye'ey, nyajtëy nyajtëtä'äky miits mwintuuyëty, ka'apës tii poky të npaaty ma yë'ëjën mëti'ipë miits mtukni'ë'ënëtëpën.

Marcos 14:65

Tam jënaakën mëti'ipë ojts twinkutsujëtën ja Jesús, ojts näjyëtu'un twinkutsumëtë ets twintäjx tjëjptäjxtë ets tyajtëëwtë: Nasjawë pën të mkoxyë. E ja tsajptëjk këwent'ajtpë ojts wyinkox jyëjpkoxëtë.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Job 30:2

¿Tiis nyajwa'anëty, oy jënu'un yë mëjaaw tjamëët'atëty ma kyë'ëjëtyën? Yë'ëjëty tëë ënety y'ënu'kxëtyääynyëtë

Salmos 119:51

Yë ja'ayëty ëxëëkpë jyot wyinma'anyëtyën janaam jatsojk xyajjoot'anpëktës e ka'apës n'ëxmatsy yë m'ijxpëjkën.