Job 3:5 - Biblia Dc en Mixe de Quetzaltepec

⁵ Nikë oy'ajt ko jeexyë tyimkootsëy, ëkë ko jeexyë ojts tyimwintujkta'ay, ëkë ko jeexyë ojts jää xëëw y'ooky ets tsyë'këtyääytyë ja ja'ay.

Biblia Mixe de Quetzaltepec

⁵ Nikë oy'ajt ko jeexyë tyimkootsëy, ëkë ko jeexyë ojts tyimwintujkta'ay, ëkë ko jeexyë ojts jää xëëw y'ooky ets tsyë'këtyääytyë ja ja'ay.

Job 3:5 ပူးပေါင်းရင်းမြစ်များ

Salmos 23:4

Oyës muum naxëty akootstuuy, ka'apës ntsë'ëkëja'any, jä'ä ko mijts Wintsën mijts myajpatp ma ëjtsën, ja mkepy mtajk yë'ëjës xytyuk'ateenytyujkp xytyuk'axajtujkp, paaty akujk jotkujk ntuk'ijxpetyës.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Isaías 9:2

Ja naax kajpn mëti'ipë ënety api'its akoots yajpatpën, tëë ja të'kxën jajën tpaaty; ja kupi'its kukootspë ënety yajpaatyën, tëë ja kyuxëëntyä'äky kyujajtä'äky.

Job 28:3

Tëë yë naaxwiinyëtë ja'ay tpaaty yë winma'any wi'ix yë kootsajtën tmëmëta'akëty, tëjkëp jap naaxpa'tkë'p ets ma y'api'its y'akootsëtyën jap t'ixta'ay yë tsaa.

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

Mateo 4:16

ja ja'ayëty mëti'ipë ënety kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënety juuky'ajtëpën tä jeexyë të y'o'knëtën.

Jeremias 2:6

Yë'ëjëty ka'ap ojts tmëmay tmëtajtë etsës ëjts xy'ixta'atëty, ëjts mëti'ipë ojts jyuutëtën jap Egiptë, mëti'ipë tu'uwinwoowëtën jam të'ëts'itjotm ma y'anë'ëk tyëëtsë'ëkëtyën ets ma jya'awjotëtyën, ma ka'ap yë nëëjën ets ma kyutsë'ëkëtyën, ma ka'ap pën tsyëënën ets ka'ap pën nyäxyën.

Job 38:17

¿Tëë xy'ëk'ijxpë maa yajpaatyën ja nyitëjk'aaw ja akootstuuyajtën ma y'ityën ja o'kën tëko'oyënë?

Job 24:17

Yë xëënyajtën koots tyajnaxtë; yë'ë tsyojktëp yë kootsajtën.

Hebreos 12:18

Miitsëty ka'ap ojts tii xymyëwinkontë, ijxtëm ja Israel ja'ayëtyën, mëti'ipë yajtoonpën ets mëti'ipë toopyën jëënjoty, ma ënety kyootsëtyën ets ma ënety myëkpojyën;

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.

Amós 5:8

Yë Wintsën yë'ë ojts tyajkojy yë mëtsa'a ma yajpaatyën yë Pléyades ets Orión, yë'ë näjyëtu'un yaj'awinpijtyp koots yë xëënyajtën ets xëënyajtën koots; mëti'ipë yaxtsoopyën yë nëë tuu ma mejyën ets tyajtu'uy tyajpojy naaxwiiny naaxkëjxy; mëti'ipë yajkutëkoopyën yë ënä'ämën kuttujkën ets ëxëëk tuny yë naax kajpn mëti'ipë këwent'aty ijtpën. Wintsën xyëëwajtyp.

Joel 2:2

jä'ä xëëw ma tsu'um ets koots y'ita'anyën, ma wintuky winjaam y'ita'anyën.

Ezequiel 34:12

Jëtu'un tä tu'uk yë kupixyny këwent'ajtpën mëti'ipë myëmääpy myëtäjpyën yë kyupixyny ko tyëkoy'ity; jëtu'unës nmëmayä'äny nmëtaja'any yë nkupixynyës; etsës jam nyajpëtsëma'antë ma ojts nyajtskääkëtën ko kyoots'ajty ets ko jyää'ajty ja ëyo'on jotmay.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Jeremias 4:28

Mon tuk ja naaxwiinyëtë y'awinpita'any ets ja tsajp jëtu'un yaj'ixa'any tä jeexyë o'kën tëko'oyën të y'ityën. Ëjts tëëjës njanikäjpxy, ni pën të kyajootwinpity; tëëjës ntuknipëjktaakë tiijës ntunäämpyën ets ka'ap tjëkyepy n'ixtëkëwa'akëtyës.

Salmos 107:14

ojts yajpëtsëmëtë ma ënety yajpaatën akootstuuy ets ojts yaj'ëwaatsëpëtsëmëtë ma ënety yajpaatën tsum matsy mëët ja pujxntä'äky.

Salmos 107:10

Jä'ä ënety yajpaatë kupi'its kukoots, ets tsumy matsy ma ja monyë tukyën,

Salmos 44:19

E mijts ni'ikyës ëyo'ontum të xyajwë'ëmtë. Etsës o'kënjëjp'am të nka'atë.

Job 16:16

Ki'ix tsa'amës yë nwiin njëjp kyëxë'knë koos një'ëy nyä'äxy ets ka'apës oy n'ëk'ijxnë,

Deuteronomio 4:11

Ënet ojts miitsëty mwinkontë ets jam mwa'ak'o'oyëtyääytyë kopk'ëjxm. Xy'ixtë ko jam ma ja tunkupi'tsykyën jëtu'un jam ja jëën jyäty pyëtsimy ets ja jëënjok janty yëk je'eyë y'akëxë'ëkë.

Job 3:4

Ojts jeexyë ja xëënypë y'awinpity koots ets ka'ap jeexyë Dios nëkoo ojts tmëjpëjktä'äky, ka'ap jeexyë tyim xëënyëy.

Job 3:6

Nikë oy'ajt ko jeexyë tyimtëkooy ja kootsajtën jä'ä tsu'umpë ets jeexyë ka'ap yajmëtyooy tääpë xëëw ma ja xëëw jëmëjt tyu'uye'eyën.

Job 34:22

Ka'ap maa kootsajtën mëti'ipë yu'utsëpën yë tuuntëkoopyë kajpxtëkoopyë.