Job 3:21 - Biblia Dc en Mixe de Quetzaltepec

²¹ mëti'ipë jyajëjp'ijxypyën yë o'kën ets ka'ap nyäky'ooky, mëti'ipë jëtu'un yë o'kën jya'ixtääpyën tä jeexyë tii muum ka'ap tpaatyën mëti'ipë yu'utsy'ijtpën?

Biblia Mixe de Quetzaltepec

²¹ mëti'ipë jyajëjp'ijxypyën yë o'kën ets ka'ap nyäky'ooky, mëti'ipë jëtu'un yë o'kën jya'ixtääpyën tä jeexyë tii muum ka'ap tpaatyën mëti'ipë yu'utsy'ijtpën?

Job 3:21 ပူးပေါင်းရင်းမြစ်များ

Apocalipsis 9:6

May ja ja'ay tjatsoktëty ets jeexyë y'ooktë, je'eyëp ko ka'ap nëjkx pën y'ooky.

Proverbios 2:4

Amuumtu'ukjot yë'ë tim ixta'a jëtu'un ijxtëm jeexyë xy'ixta'ayën yë wit meeny mëti'ipë muum yu'utsy ijtpën.

Jonás 4:8

Ko ja xëëw pyëtsiimy, ënät ja Dios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Job 3:22

Tääpë jëtu'unpë ja'ay jäänëm jotkujk'ajtën tpaatëty ko yajnaaxnitajnëty.

Jeremias 8:3

Mëti'ipë ënety juuky të jyaakwë'ëmtën ma ya'atë ëxëëkja'ayëtyën, oy ënety myaajëty yajpaatë nëjkxëp tjatsoktë ets jeexyë y'ooktë ets ja juukyajtën ka'ap nëjkx t'ëktsojkën'ajnëtë. Ëjts Wintsën, mëti'ipë maaytyääyëpën winë, ëjts ënaanp.

Job 6:8

Jääpëk jeexyë yë Dios xymyo'oyës mëti'ipës n'amëtoopyën; jääpëk jeexyë xymyo'oyës mëti'ipës të npëjktsoyën.

Job 6:9

Jääpëk yë Dios tuknipëjktaakë ets jeexyë xytyimyajnakës ets njuukyajtënës xypyëjkëty.

Job 7:15

Nikë oyës jeexyë xytyimyo'kpeny, ni'ikës n'oyjyawëja'any koos n'ookëty ets këtii koos njuuky'atëty ijxtëmës yam njuuky'ätyën.

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Eclesiastés 4:2

Paatyës të n'ëna'any nikë oy ko tyim ookëty ja'ay mëti'ipë myëku'uk yaj'ëyoopyën ets këtii ko jyuuky'atëty;