Job 3:14 - Biblia Dc en Mixe de Quetzaltepec

¹⁴ mëët yë yajkutujkpëtëjk, wintsëntëjkëty, mëti'ipë mëjjëty yë kyutujkëntëjk ojts tkojtën,

Biblia Mixe de Quetzaltepec

¹⁴ mëët yë yajkutujkpëtëjk, wintsëntëjkëty, mëti'ipë mëjjëty yë kyutujkëntëjk ojts tkojtën,

Job 3:14 ပူးပေါင်းရင်းမြစ်များ

Job 15:28

Xit ko'ow ja kajpn jyata'any ma ënety yë'ë tsyëënën; nëjkxëp ja jëën tëjk yajtukäktuta'ay ets xit ko'ow ja naax y'awinpita'any.

Ezequiel 26:20

ets mkinëty në'ppaat ma o'kpë yajpaatën, ma nyipätën yë o'kpë tëëyëpë jyuuky'atën. Jap pa'tkë'p nyajjëjpta'aka'any ma ja naax kajpnën mëti'ipë tëëyëp nikoompäjtën ets jap mjuuky'atëty ma ja o'kpë tsyëënëtën. Ka'ap nëjkx pën y'ëktsënaaynyë ma mijtsën ets ka'ap nëjkx nijëna'a m'ëk yaj'akojënë ma ja'ayëtyën mëti'ipë juuky'ajtëpën.

Isaías 58:12

Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.

Salmos 89:48

Ka'ap pën kë'ëyxyëëw kë'ëyjyëmëjt jyuuky'äty, ets nijëna'a kya'ookëty. Ka'ap pën myäyëtëty nyäyaj'ëwaatsëpëtsëmëtëty ma o'kën.

Salmos 49:14

Jëtu'unpë ja'ayëty o'kën tu'uwinye'eyëtëp jam ma o'kpëjutën, jëtu'un tä ja'ay yë kupixyny twoowye'eyën. Ko ënety xyiintyä'äky, yë oyjyä'äytyëjk yë'ë mëta'akantëp ma yë'ëjëtyën; yë jyot myëjaawëty nëjkxëp kyukëxë, ets o'kpë jut nëjkx xëmë tuktsëënëtë.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Job 12:17

Yë y'ëwatsyp ets wijyjyä'äytyëjk wyinma'anytyëkoytyëty ets kutuunktëjk tsyuujëtëty pyojëtëty.

1 Reyes 11:43

e ko ojts y'o'knë, jam tyajnaaxtëjkëtyë ma ja David ojts nyaaxtëkën, ja Salomón ja tyeety. Yë'ë ojts kyutëkëty ma kutujktaknën ja myaank Roboam.

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

Job 12:18

Yë yajkutujkpë pyëjkëp yë kyutujkën ets tsumy matsy yajmënëjkxtëty wiink naax wiink kajpn.

Isaías 14:18

Tëkokyë ja yajkutujkpë aak jotkujk yaj'ixtë pyo'kxtë pyëktë ma y'o'kpëjutëtyën;

Isaías 22:16

¿Mijts tii jotmayën yaa mjatyimjëkyejpy, ëkë pën të nmo'oy kuttujkën ets xy'oytyunëty yaa yë m'o'kpë jut, ets xytyajëty ja m'o'kpë jut jam kopkëjxm, ets jam tsaakëjxm mnanyi''ixëtëty ma mnaaxtëkëtyën?