Job 27:9 - Biblia Dc en Mixe de Quetzaltepec

⁹ Ko ënety ëxëëk jyäty kyëpety, Dios ka'ap tmëtoow'ita'any oy jënu'un jyanu'kxta'akëty.

Biblia Mixe de Quetzaltepec

⁹ Ko ënäty ëxëëk jyäty kyëpety, Tios ka'ap tmëtoow'ita'any oy jënu'un jyanu'kxta'akëty.

Job 27:9 ပူးပေါင်းရင်းမြစ်များ

Jeremias 14:12

Yë'ë oy jënu'un y'ayuu'atëty, ëjts ka'apës nmëtowanë y'aaw y'ayuk, oy jënu'un tmëminëty aaypyajk ujtspajk ëjts nwintuuyës ets wintsë'kën nino'oky nixämpyë nkatimnyi''ijxë'ëkäämpyës. Nyajkutëkoyäämpyës mëët yë tsip, mëët yuu xëëw, mëët yë pa'am ëyo'on.

Isaías 1:15

Ko mkë'ë xyajjë'ëktë ets mkajpxta'aktë, ëjts jëkämës nnas'ixë; oy jënu'un mkajpxta'aktëty kanaak ok, ëjts ka'apës nmëtoy; jä'ä ko miitsëty ujts ja mkë'ë m'aawëty mëët ja jot ne'pyny.

Proverbios 1:28

Jääts nëjkx xyjyamëkajpxtës, e ëjts ka'apës jää n'ëtsowa'any. Nëjkxëpës xyjya'ixtaaynyëtë, e ka'apës nëjkx ma xypyaatë.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Salmos 18:41

Tëë tja'amëtowtë ja putëjkën, e ka'ap ni pën të pyutëkëtë; ojts tjamëkajpxtë ja Wintsën, ka'ap ojts y'ëtsowëtë.

Santiago 4:3

Ets ko xy'amëtowtë, ka'ap myajmo'otë, jä'ä ko ka'ap oy xy'amëtowtë ets jä'ä ko jam xyajtuna'antë ma ka'ap pyaat'atyën.

Zacarías 7:13

ets y'ënäny: Jëtu'un ijxtëm yë'ëjëtyën ka'ap xymyëtoow'ijtës koos ojts njamëkajpxtë, näjyëtu'unës ëjts ka'apës nmëtoow'ita'any koos ënety xyjyamëkajpxtë.

Ezequiel 8:18

Ëjts ajoot'anës yam winë ntuna'any. Ni pënës nkapa'ëyowa'any. Oy jënu'un xyamëkajpxtëtyës, ka'apës nmëtowa'any.

Jeremias 11:11

Paatykyëjxm n'ëna'anyës ko ntuknikäxantëpës yë ëyo'on jotmay mëti'ipë ka'ap tjëkyepy tkukä'äktëtyën. Oy jyaya'ax jyajoktëty, ka'apës nmëtowa'any. Ëjts Wintsën, ëjts ënaanp.

Salmos 66:18

Ko jeexyë y'ëxëëkëty yë nwinma'anyës, kajxyëp yë Wintsën të tmëtoow'ity yë n'aaw n'ayukës;

Juan 9:31

Wa'ats ëëts nnija'awëmë ko yë Dios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

Lucas 13:25

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Proverbios 28:9

Pën jää pën mëti'ipë ka'ap tja'akyukëja'anyën yë Dios yë y'ënä'ämën tyiyajtën, Dios ka'ap nëjkx kyupëkyë ko tjamëkajpxëty.

Salmos 109:7

ets yë'ë nyikajpxëtëty ko pyokymyëët'atë ma ënety ja poky yajnipaye'eyën; wä'än ja nyipaye'epyë yë'ë yajpokykya'ajëtë.

Deuteronomio 1:45

Ko ojts mwinpijtnëtë ojts mjajëëy mjayaxnëtë Wintsën wintum, e yë'ë ka'ap ojts mtunëtë këwentë.

Proverbios 1:27

ko ënety mniminëtë ja tsë'ëkë ets ja amay jotmay, ko ënety ka'ap tii xy'ëktukxoontaknëtë ma mpëkëtën m'ixëtën ets ko jëtu'un mnimiinëtëty ja ëyo'on jotmay tä tu'uk yë pojxujtykyën.

Salmos 18:42

Way wayës të ntuunta'ay tä naaxwayën mëti'ipë pojë'kpën. Tëës n'ateeny ntukteeny tä mo'ontsën tu'ujotypë.