Job 27:8 - Biblia Dc en Mixe de Quetzaltepec

⁸ ¿Tii yë ëxëëk ja'ay jyaak'ëwxijtyp tuna'any? Pën tëë yë Dios tuknipëjktaakë ko pyëjkëja'anyë yë jyuukyajtën.

Biblia Mixe de Quetzaltepec

⁸ ¿Tii yë ëxëëk ja'ay jyaak'ëwxijtyp tuna'any? Pën tëë yë Tios tuknipëjktaakë ko pyëjkëja'anyë yë jyuukyajtën.

Job 27:8 ပူးပေါင်းရင်းမြစ်များ

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Job 8:13

Näyjyëtu'un jyatë kyëpätë yë ëxëëkja'aytyëjk mëti'ipë Dios të tja'atyëkoytyën; oy tii të tjajëjp'ixtë, ka'ap t'ëkpatnëtë.

Lucas 9:25

¿Tii ja ja'ay tyajwa'anëty ja jyuukyajtën oy tjamëët'ajta'ay tu'kë'ëyë winë ja naaxwiinypë yajtukjuuky'ätyën, pën kë'ëm nyäyajtëkoyë?

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Job 31:3

¿Ti këtiijën yë'ëjëty ja ëxëëkja'aytyëjk ets ja pokyjyä'äytyëjk pyaat'atëtë ja ëyo'on jotmayë?

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Job 15:34

Yë ëxëëkja'aytyëjk ka'ap yë y'u'unk y'ok tmëët'ata'antë, yë jyëën tyëjkëty mëti'ipë ënety ujts yajpatpën mëët yë wit meeny mëti'ipë të tpaatyën mëët yë win'ë'ën winxajën nëjkxëp nyitooytyä'äy.

Job 13:16

Nikë wä'änxyëp ntso'okëtyës koos jëtu'un nwina'anypyaatëty; jä'ä ko tu'uk yë ja'ay, mëti'ipë janty pokymyëëtën ka'ap jëtu'un y'ëna'ana'any.

Juan 9:31

Wa'ats ëëts nnija'awëmë ko yë Dios ka'ap tmëtoow'ity yë pokyjyä'äy, yë'ë y'amëtoow'ijtyp mëti'ipë wintsë'këyëpën ets mëti'ipë tyuuntëpën mëti'ipë yë'ë tsyojkpyën.

Deuteronomio 1:45

Ko ojts mwinpijtnëtë ojts mjajëëy mjayaxnëtë Wintsën wintum, e yë'ë ka'ap ojts mtunëtë këwentë.

Job 12:10

Jam kyë'ëjotm, jam y'ijta'atë mëti'ipë juuky'ajtëpën.

Job 27:7

Mëti'ipë ënaanpën koos xymyëtsip'aty wä'än jëtu'un tjaty tkëpety tä yë ëxëëkja'aytyëjkën ets tä yë tuuntëkooypyëtëjkën.

1 Samuel 8:18

E koots ënety jëna'a xywyinkjawëtë ja yajkutujkpë mëti'ipë ënety kë'ëm të xywyin'ixtën, yë Wintsën ka'ap nëjkx m'ëk tuunëtë këwentë.