Job 27:5 - Biblia Dc en Mixe de Quetzaltepec

⁵ Maapaatës njuuky'ätyën ëjts kopkpëkyës ko mëktä'äky nikäjpxy ko ka'apës tii poky të ntuuntëkoy; ka'apës nkupëka'any ets miitsëty nëkoo tii poky xytyuknipëktëtyës.

Biblia Mixe de Quetzaltepec

⁵ Maapaatës njuuky'ätyën ëjts kopkpëkyës ko mëktä'äky nikäjpxy ko ka'apës tii poky të ntuuntëkoy; ka'apës nkupëka'any ets miitsëty nëkoo tii poky xytyuknipëktëtyës.

Job 27:5 ပူးပေါင်းရင်းမြစ်များ

Job 2:9

E ja tyo'oxytyëjk jëtu'un y'ënëmaayë: ¿Wi'ix ko janty'oy mnäypyëjktä'äkyë ets oy ja'ay mnäyajnaxyë? Nikë tim pok yë Dios ets m'ookëty.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Gálatas 2:11

Ko ja Pedro ojts nyijkx jam Antioquía, ojtsës nwinkukajpxë wiinxë jëjpxë, jä'ä ko tëkatsy ënety winë të tuny.

Proverbios 17:15

Ko yajpokymye'kxy yë tuuntëkooypyë ets yajtëytyuny ka'apë pyokymyëëtëtyën; tääpë mäjtskpëky mëti'ipë Dios ka'ap nijënu'un t'oyjyawën.

Job 42:7

Ko yë Dios jëtu'un tmëkajpxtaay yë Job, ojts t'ënëëmë yë Elifaz: Tëës mijts xyajjoot'anpëky, tëëjës ntukjoot'anpëjkta'ay yë mëku'uktëjk mëti'ipë mëët oy mnämyäyën, jä'ä ko ka'ap tii tëy të xynyimëtya'aktë tääjës yë ntuunpën Job.

Job 32:3

Ojts näjyëtu'un tukjoot'anpëky ja nitëkëëkpë ja ja'ayëty mëti'ipë mëët ja Job oy nyämyayëtën, jä'ä ko yë'ëjëty ka'ap ënety të tukjatë oy t'ëtsowtëty yë Job ets yë'ë Dios yajpokytyëjkëtyëp.

Job 29:14

Ja tëyajtënpë ets mëtëypyë ja tu'unën kajpxën kë'ëmës ijty ntuunkojy; jëtu'unës ijty ntimy jyawë ijxtëmës jeexyë nätyukxoxyën yë wit.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Dios yë mëyajtën të tuny etsës oy njuuky'atëty.

Job 2:3

Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 6:29

Ëna'antë ko miitsëty nëkoopë wi'ixjaty mkajpxtë mmëtya'aktë, këtii nëkoo mnäyaj'ëxëëktëkëtë. Ja'aykyukëtë ko ëjts mëtëypyës nikäjpxyp.

Job 31:6

Wä'än yë Dios xy'akijpxnaxyës ma kyijpxnën ets tmëpëkëty ko ëjts ka'apës tii poky të ntuuntëkoy.

Job 32:1

Ko tyaapë nitëkëëkpë ja'ayëty t'ijxtë ko yë Job ni'ikyë y'ënaan'ëtë'ëtsy ko ka'ap tii poky të tuny, ënät ojts t'ëxmajtsnëtë.

Job 32:2

E jam tu'uk ja ja'ay mëti'ipë xyëëwajtypyën Elihú, yë Baraquel yë myaank, Buz ja'ay, yë'ë y'u'unk y'ok yë Ram; ënät ojts kyajpxë'ëky, tëë ënety jeky y'ity amonyë oy jënu'un ja Job tjatuk joot'anpëky ko ni'ikyë y'ënaan'ëtë'ëtsy ko ka'ap tii poky tmëëtëty ets yë'ë pyoky'ijxyp ja Dios.

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Job 31:7

Pën tëëjës njëjpye'eytyu'uty ja tëytyu'u, pën tëëjës winë n'atsoky, pën tëë yajpaaty winë maas ntëjkën mëti'ipës ka'ap njä'äjëtyën,

Job 33:9

Ëjts wa'atsës, ka'apës tii poky nmëëtëty, ka'apës maa ntëkoy ets ka'apës maa npokytyuny.