Job 27:23 - Biblia Dc en Mixe de Quetzaltepec

²³ Amuup nëjkx yë mëkpoj pyajëtityë ets ënääw wëtsuk.

Biblia Mixe de Quetzaltepec

²³ Amuup nëjkx yë mëkpoj pyajëtityë ets ënääw wëtsuk.

Job 27:23 ပူးပေါင်းရင်းမြစ်များ

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Sofonías 2:15

Jëtu'un jyata'any ja naax kajpn amëj akëjxmëpë ets jotkujkpë, mëti'ipë ja nyija'ay të y'ëna'antën ko ka'ap maa wiinkpë kajpn tä yë'ëjëtyën. O'ktëy ja naax kajpn të jyäty, aayjëyujk ujtsjëyujk jam ëtëtsp ënaanp. Ko ënety jam pën nyäxy je'eyë nëjkx myëkxejy y'o'kxejy ets ka'ap tsojkën'atëty jëtu'unpë ja kajpn.

1 Reyes 9:8

E ya'atë tsajptëjk xit ko'ow nëjkx jyajta'ay, tëkokyë ja ja'ayëty mëti'ipë ënety jam najxtëpën ko t'ijxtëty je'eyë kuyjaam kyo'ownaaynyë ma ja tsajptëjkën, tääts nëjkx je'eyë tjaaknimon tjaaknituktë ets nyäyajtëwëtëty: ¿Wi'ixën ko yë Wintsën yë naax kajpn jëtu'un të tuny ets tsajptëjk xit ko'ow të jyajtaaynyë?

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Jeremias 19:8

Aanë'ëk tëëtsë'ëk nyaj'awinpita'anyës ya'atë kajpn, je'eyë ja'ay tsyë'ëkëtëty ko t'ixtëty. Yë ja'ay mëti'ipë jam najxtëpën je'eyë nëjkx tnimon tnituktë ets je'eyë nëjkx tsyë'ëkëtë ko t'ixtëty ëxëëk të jyäty ja naax kajpn.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Job 18:18

Jam nëjkx yajjëpijpëtsëmy ma xyiiny'ätyën ets nëjkx yajkujëpipë akootstuuy; nëjkxëp yaj'ëxwojpnë naaxwiiny naaxkëjxy.

Job 20:8

Jëtu'un yaj'ijxtëkoyä'äny tä kuma'ayën, tä tii koots yaj'ixyën ets ka'ap pën tpaaty.

Job 28:1

Tää yë it naaxwiinyëtë yajpaaty ma pyëtsimyën yë poop pujxn ets ma pyëtsimyën yë pu'ts pujxn.

Job 34:37

Job ka'ap je'eyë pyokyjyä'äyëty, käjpxy kumëtoownajxp näjyëtu'un; ëëts nwintuuy'ajtëmë yë Dios tnëxi'iky tukxi'iky ets je'eyë mëët nyäkyäjpxytsyiikyë.

Ezequiel 25:6

Ëjts Wintsën, ëjts ënaanp: Miitsëty Amón ja'ayëty tëë m'ätstë ets tëë mxoonta'aktë, tëë xy'ixtijtë yë Israel kajpn.

Nahúm 3:19

Ka'ap tii tsooy mëti'ipë myajtso'okëtëpën; yë mpu'uts ka'ap maa nyitsooy. Mëti'ipë nyija'awëtëpën ko ëxëëk mjajnë mkëpäjnë yajxon xyoontaknëtë, jä'ä ko yë'ë jyä'ämyäjtstëp wi'ix ojts ëxëëk xytyunyën.