Job 27:22 - Biblia Dc en Mixe de Quetzaltepec

²² yajxon nëjkx mëk tyukja'tyë ets ka'ap pën pya'ëyowëtëty, oy jënu'un jyakä'äkëty.

Biblia Mixe de Quetzaltepec

²² yajxon nëjkx mëk tyukja'tyë ets ka'ap pën pya'ëyowëtëty, oy jënu'un jyakä'äkëty.

Job 27:22 ပူးပေါင်းရင်းမြစ်များ

Romanos 8:32

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Ezequiel 24:14

Ëjts Wintsën, ëjts ënaanp ets jëtu'un tyuna'any jyata'anyë. Ëjts jëtu'un kë'ëm nyajtunan nyajjatanëp ets ka'ap mpa'ëyowa'any ets ka'apës jatëkok nwinma'anytyëkatsa'any. Yë'ë ntuktëytyunäämpy ko ëxëëk të m'ëtë'ëtsy të m'ëna'any. Ëjts Wintsën, ëjts ënaanp.

Ezequiel 5:11

Ëjts mëti'ipë Wintsën'ajtpën, ëjts ënaanp ets nkë'ëmjuukyajtënës yam ntukajpxpejtyp: Jä'ä ko miitsëty tëë yë ntsajptëjkës xyaj'ëxëëkëtë mëët yë awinax ka'apë ëxëëkpë ets aakjä'ä të xytyuunëtë, mëti'ipë yaj'ëxëëk'ijxpën, näjyëtu'un miitsëty nyajkutëkoyantëp yam ka'ap mpa'ëyowa'antë.

Jeremias 13:14

Ënätës jëtu'un nyajjajtaja'any tä ja'ay tu'ts tukpu'ujën, xim yam nëjkx tsyiptuntë, tu'k u'unk tu'k ëna'k. Ka'apës npa'ëyowa'antë; nëjkxëpës nyajkutëkooytya'atë, ka'apës nimona'any nituka'any ets ka'apës nmëjjawëja'any. Ëjts Wintsën, ëjts ënaanp.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Job 20:24

Ko tjakukä'äkëty tu'uk yë juunpujxn, yë tsuxkpujxn nëjkx nyaspaatëty.

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Deuteronomio 32:23

E tyam tëëjës ntuknipëjktaakë ko ma yë'ëjëtyën kanaakjëjpës yë ëyo'on nyajkëta'aka'any. Jëtu'unës jam ja ëyo'on mpëjkta'aka'any ma yë'ëjëtyën, tä yë ja'ay yë tyi'pxn tnajtstijëy jam ma tyajja'ta'anyën.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Job 10:7

¿Ets oy xyjyanija'apë ko ëjts ka'apës tii poky nmëëtëty ets ka'ap tjëkyepy ni pën xyjyuutëtyës mkë'ëjootjotyë?

Jonás 1:10

Ojts ja Jonás tuk'ëwaanë ja ja'ayëty ko ënety yë'ë tkuke'eky yë Wintsën, e ko jëtu'un tmëtoowtë ënät t'ijxtë ko ni'ikyë ja juukymyejy y'ëtëtstä'äky, tääts tsyë'këtyaktë ets tyajtëëwtë ja Jonás: ¿Tii ko jëtu'un m'ëtë'ëtsy? ¿Tiijës mëpaat ntuntë ma mijtsën ets ya'atë juukymyejy y'ëtëtsmonëty?

1 Samuel 25:29

Pën jää pën m'ixjëtity mpajëtityë ets myaj'ooka'anyë, ka'ap nëjkx wi'ix mtunyë, jä'ä ko yë njuukyajtën yë'ë ënety kë'ëm Dios tyimkëwen'ajtyp. E yë'ë ënät ja mëtsip jëtu'unyë nëjkx ja Dios tjëpëjkta'ay tä ja'ay yë tsaa t'ixka'atsyën mëët yë tsaawëtu'un.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.