Job 27:16 - Biblia Dc en Mixe de Quetzaltepec

¹⁶ Oy yë ëxëëkja'aytyëjk tjanipëjkpätëty may yë wit meeny tä naaxwayën ets may'äämpy yë wyit tyujkxy tmëët'atëty,

Biblia Mixe de Quetzaltepec

¹⁶ Oy yë ëxëëkja'aytyëjk tjanipëjkpätëty may yë wit meeny tä naaxwayën ets may'äämpy yë wyit tyujkxy tmëët'atëty,

Job 27:16 ပူးပေါင်းရင်းမြစ်များ

Zacarías 9:3

Tirë tëë tkojy yë naax kajpn ta'tspëkpyë ets mëti'ipë këwent'aty ijtpën, tëë tnipëjkpety yë pu'ts pujxn ets poop pujxn tä ja'ay mo'onts tnijä'ppetyën.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Santiago 5:2

Tëë ja mmeeny pyu'ta'ay, tëë ja mwit ja yëm tyuktëjkëtyä'äyë.

Habacuc 2:6

E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënety të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Job 22:24

ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

1 Reyes 10:27

Ja yajkutujkpë yajxon may'äämpy tjanty yajnipejty yë poop pujxn tä tsaajën jam Jerusalén ets ja ajë kepy jyam'atëty may'äämpy, jëtu'un mëti'ipë tyijtëpën higos nyikepy jampë joyjyotmën.

Job 3:15

ëkë mëët yë ënä'ämpëtëjk mëti'ipë yaj'ujtstën yë kyëmoontëjk mëët yë pu'ts pujxn ets poop pujxn.

Job 15:29

Ka'ap ja wyit myeeny jeky tmëët'ata'any ets ka'ap kyëjääjëja'any ja kyam tyu'u.

Job 20:10

Yë y'u'unk y'ëna'k kopkpëky ko nëjkx jatëkok tmooytya'atë ja ëyoowpëja'aytyëjk mëti'ipë ënety yë'ë të tmeetsyën.

Job 27:15

E mëti'ipë ënety juuky jaakwë'ëmtëpën, pa'am ëyo'on nëjkx yaj'ookëtë ets ja tyo'oxytyëjkëty mëti'ipë ënety nyi'o'ktutëpën ka'ap nëjkx nyiya'axëtë.

Job 27:17

oyjyä'äy nëjkx tääpë wit tyajtuny ets oyjyä'äy nëjkx tääpë wit meeny tjä'ä'aty.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Eclesiastés 2:26

Yë Dios, yë'ë yäjkpy yë wijyajtën, ijxpëky'ajtën ets xoontakën ets yë'ë myoopy mëti'ipë nyi''ijxkëtäkpyën; e mëti'ipë tuuntëkoopy kajpxtëkoopyën je'eyë yajxon tyajtuny ets tnipëjkpety yë wit meeny ets tuk'oy'atëty yë'ë mëti'ipë ënety nyi''ijxkëtäkpyën. Tääpë nän natëkë winma'any yë'ë ets nëkoopë juukyajtën ntuk'ëyë'kmëty.

Sofonías 1:11

Jë'ëtë ya'axtë miitsëty mëti'ipë jam Kajpnpë'am tsënaaytyëpën, ma kumeenyjyä'äytyëjk tsyëënëtën, jä'ä ko o'kta'ajantëp yë ja'ayëty mëti'ipë ajuuy ato'ktëpën ets y'o'kta'aja'antë yë ja'ayëty mëti'ipë wit meeny tsyoontëpën myajtstëpën.

Ester 8:1

Jä'ä xëëw, ënätyë ja yajkutujkpë Asuero tnamo'oy ja Ester tu'uk yë tëjk ma ijty tsyëënën ja Amán, mëti'ipë myëtsip'ajtypyën ja Jutiiyë ja'ayëty; e ja Mardoqueo ojts tninëjkxy ja yajkutujkpë Asuero, jä'ä ko yë Ester tëë ënety tuk'ëwaanë ja yajkutujkpë ko yë Mardoqueo tjämyëty.