Job 24:5 - Biblia Dc en Mixe de Quetzaltepec

⁵ Yë ëyoopëja'aytyëjk, oy wi'ix tjanty nyipëtsëmtë jyi'kxy pyiky, jam të'ëts'itjotm jam nëjkx tyajtsoontë yë y'u'unk y'ëna'k yë jyi'kxy pyikyëty tä yë kruktsën.

Biblia Mixe de Quetzaltepec

⁵ Yë ëyoopëja'aytyëjk, oy wi'ix tjanty nyipëtsëmtë jyi'kxy pyiky, jam të'ëts'itjotm jam nëjkx tyajtsoontë yë y'u'unk y'ëna'k yë jyi'kxy pyikyëty tä yë kruktsën.

Job 24:5 ပူးပေါင်းရင်းမြစ်များ

Salmos 104:23

Täänëm yë naaxwiinyëtë ja'ay tsyoony ets nyijkxy ma kyam tyu'ujën, tyuny jam tsuupaat koonëm jyajmony ets jyä'ty jatëkok ma tyëjkën.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Oseas 8:9

Mëët ko yë Asiria kajpn të t'amëtowtë yë näypyutëkë ets të jyatë tä tu'uk jëyujk mëj ja'ayën ka'apë y'ëkja'akyujkënën. Yë Efraín tëë tyajkwä'kxy yë näynyamo'ojë ets ja'ay pyutëkëtëty.

Oseas 7:6

Tmëmay tmëtajy wi'ix tunëtyën, jëtu'un tä ja'ay tyaj'aanpëkyën yë jyëëntooytyakn ma tsajpkääky tyajkë'ëyën; tu'ktsu'um myä'äy mëti'ipë jëëntooytyakn yaj'aanpëjkpyën, e komjopy ja jëëntooytyakn tëë yajxon y'aanpëky.

Jeremias 2:24

ets mnäpyëjktakë tä krukts to'oxyën mëti'ipë kë'ëmpaat nyipëyi'kpyën krukts yä'äy ko y'aanpëky ets jampaat jyä'ty muum tunkëjxm kopkkëjxm. Ko tsojkën'aty yë krukts yä'äy, ni pën kyamayë wyo'onwë'ëmëtëty. Ko krukts yä'äy nyiminyë pojën tuk'akëyë y'ixpajk.

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Job 24:14

Yë yaja'ay o'kpë tsojk pyëtë'kojy ets tyaj'ooka'any yë ëyoopëja'ay, e ko kyootsë mä'tspë y'awinpity.

Job 12:6

Yë ja'ayëty mëti'ipë ëxëëk ëtëtstëp ënantëpën, jotkujk mya'atë pyo'kxtë ma jyëën tyëjkëtyën; mëti'ipë Dios myëkajpxtëkooytyëpën, jotkujk tyimnax tyimtëkëtë, jëtu'un myäytyë tyajtë ko aak kyë'ëjotjotm winë tmëët'atë.

Job 5:5

Jam ma kyam tyu'ujëtyën, oy tii tjayaj'itë, yë'ë jyë'kxtaaytyëp mëti'ipë yuu'o'këtëpën ets jap muum äpnyjoty pyëtsëmtë, mëti'ipë tëtsëtëpën ëxëëk y'ixëtë ko kyuwit kyumeenyëty.

Génesis 27:40

Kë'ëm nëjkx mnäkyuwa'anyë mëët ja mtujn mpujxn, yë m'uty yë'ë mëtunëp. E ko mëk mnäpyëjkta'akëtëty, tääts mnäyaj'ëwaatspëtsëmëtëty ma yë'ëjën.

Génesis 16:12

Jëtu'un nëjkx y'in'aty tä jëyujkën, mëti'ipë mëk inën. Tsip tunëp oy tyimpënëty mëët, ets tu'kë'ëyë tsiptuna'antëp mëët yë'ë. Ja jyëën tyëjk ta'tspëky tyaj'itëty, oy ja jyiiky myëku'uk kya'oyjyawëtëty.

Job 24:6

Jam nëjkx muum ja'ay kyamjotm tpëjkmuktë oynu'un yë tsajpmok, ëkë tsatym nyaska'ajë ma ëxëëkja'aytyëjk kyam tyu'ujëtyën.