Job 24:13 - Biblia Dc en Mixe de Quetzaltepec

¹³ Tää ja'ayëty mëti'ipë y'ëxëëk ijxtëpën yë të'kxën jajën ets ma nyë'ë tyu'ujëtyën ka'ap ninu'un yë të'kxën jajën jam yajpaaty.

Biblia Mixe de Quetzaltepec

¹³ Tää ja'ayëty mëti'ipë y'ëxëëk ijxtëpën yë të'kxën jajën ets ma nyë'ë tyu'ujëtyën ka'ap ninu'un yë të'kxën jajën jam yajpaaty.

Job 24:13 ပူးပေါင်းရင်းမြစ်များ

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënety ja Dios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Proverbios 4:19

Yë ëxëëkja'aytyëjk yë nyë'ë tyu'ujëty api'its akoots yajpaaty. Ka'ap tnijawëtë maa të kyunäpëtë ko muum kyëtawtë.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

Santiago 4:17

Pën nyija'ap tunëty mëti'ipë oyën ets ka'ap tuny, pokytyuunp ënety.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Juan 12:40

Tëë ja Dios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

Juan 12:35

Ënet ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Juan 8:31

Tääts ja Jesús y'ënëmaayëtë ja jutiis ja'ayëty mëti'ipë ënety të myëpëktën: Pën miitsëty mpatuuntëp ja n'aaw n'ayukës, ënät n'ijxpëjkpë'atëty;

Job 5:14

Ko xyiiny'äty, jëtu'unyë yaj'ixy tyontë xyajtë akootstuuypyën, jëtu'un jyuuky'atë tä jeexyë akootstuuy xëmë yajpaatën.

Job 24:12

Jam muum kajpnpë'am jyë'ëtë ya'axtë ets myontë tyuktë, e yë Dios jëtu'un nyäpyëjktä'äkyë ka'ap yowë tmëtoy.

Job 24:14

Yë yaja'ay o'kpë tsojk pyëtë'kojy ets tyaj'ooka'any yë ëyoopëja'ay, e ko kyootsë mä'tspë y'awinpity.

1 Reyes 3:20

E ko jëtu'un t'ijxy tëë ja y'u'unk tyaj'ooky, ënät ënätyë pyëti'ky kujktsyu'um, täätsës ojts ja n'u'unk xypyëjkë mëti'ipë juukyën ets ja y'u'unk ook xytyuknako'okëyës.

Job 24:16

Yë mä'tspë koots tyëjktëkë. Tëkokyë yë'ëjëty aak näyajku'ëtujkëtëp ko xyiiny'äty; ëxëëk yë të'kxën jajën t'ixtë.

Job 38:13

¿Ets të'kxën jajën tukjajëtya'ajëty yë naaxwiinyëtë ets ëxëëkja'aytyëjk nyäyu'utsëtëtyë?

Job 38:15

ma ëxëëkja'aytyëjk ka'ap yajkutë'kxyën ets kyixy nyäxy ma je'eyë y'ëtsu'uxya'axtën.