Job 24:10 - Biblia Dc en Mixe de Quetzaltepec

¹⁰ Yë ëyoowpëja'aytyëjk je'eyëp ko niwa'ats ëxwa'ats kyajëtitë, yë'ë oy yuu'ooktëty nëkoo ko wiink ja'ay yë tsyajpmok tsëëmjëtijtëtë.

Biblia Mixe de Quetzaltepec

¹⁰ Yë ëyoowpëja'aytyëjk je'eyëp ko niwa'ats ëxwa'ats kyajëtitë, yë'ë oy yuu'ooktëty nëkoo ko wiink ja'ay yë tsyajpmok tsëëmjëtijtëtë.

Job 24:10 ပူးပေါင်းရင်းမြစ်များ

Deuteronomio 24:19

Pën yë'ë yë tsajpmok myajmujktëp jam mkamjotm, ko mtso'onëtëty ets xyjyä'äytyëkoytyëty tu'k'atsumy, këtii xynyiwinpitëty. Ixmatstë jam, yë'ëts jyä'ä'atëp yë jaaypyaat jaaypyo'kxy mëti'ipë yajpatëpën ma miitsëtyën, ëkë ku'ooky'u'unk ku'ooky tyo'oxyëty. Jëtu'un'äämpy ja Wintsën ni'ik tkënu'kxëty ja mkam mtu'ujëty ets miits näjyëtu'un myajkënu'kxtëty.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

Job 24:9

Pyëjkëtyëp näjyëtu'un yë ku'ookytyo'oxy yë y'u'unk myääy mëti'ipë je'eyë tim mëxu'unk'ajtpën ets ëyoowpëja'aytyëjk ni'ikyë winë t'amëtowtë ko tii tuknu'kxtsowtë.

Job 24:11

Tyijëtijtëp ja mëjtsaa mëti'ipë mëët ja on tukwintääntën; yajxon yë tsatym tjanty wintääntë ma tsatym nyëë tyajpëtsëmtën, e yë'ëjëty oy yë tyëëtsë'ooktëty.

Job 31:39

Pën tëë tii pën nmä'tsës mëti'ipë myëët'ajtypyën, ëkë pën tëë nëkoo nayajnatëkëtunyës yë naaxtuunpë ja'ay,

Deuteronomio 24:12

Pën m'ijxtëp ja ja'ay ko janty ëyoop ets ënety tii mo'ojëtë mëti'ipë ja nu'kxy tyukëpejtypyën, këtii tu'ktsu'um xyajninaxtëty ets xymyëët'atëty ja mëti'ipë ënety të tyäkyën.