Job 22:3 - Biblia Dc en Mixe de Quetzaltepec

³ ¿Maa Dios tuk'oy'äty, mëti'ipë winë maaytyääyëpën, ko mijts mëtëy winë xytyuny ets wa'ats myajpaaty?

Biblia Mixe de Quetzaltepec

³ ¿Maa Tios tuk'oy'äty, mëti'ipë winë maaytyääyëpën, ko mijts mëtëy winë xytyuny ets wa'ats myajpaaty?

Job 22:3 ပူးပေါင်းရင်းမြစ်များ

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Hechos 24:16

Paatyës jëtu'un ntuny etsës ja Dios oy mëët nyajpaatëty, näjyëtu'un mëët ja naaxwiinyëtë ja'ay.

Malaquías 2:17

Tëë yë Wintsën y'ënu'kxënë ko je'eyë mtyäty nyä'ämtë; ets miitsëty ni'ikyë m'ëna'antë: ¿Maaxë nä'ämtës ko y'ënä'äny ko tëë y'ënu'kxënyë, ëkë wi'ixën të n'ënëëmëtës? Miitsëty jëtu'un të m'ëna'antë ko yë Wintsën yë'ë y'oyjya'ap yë ja'ay mëti'ipë winë tyuuntëkoopyën ets ko jotkujk nyäjyawëty ko jëtu'un y'ëtë'ëtstë y'ëna'antë. Miitsëty ka'ap xymyëpëktë ko yë Wintsën mëtëy winë tnipaye'ey.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Proverbios 12:22

Yë Dios y'ëxëëk'ijxyp yë ja'ay mëti'ipë antakpën, e mëti'ipë winë mëtëy tyuunpyën, yë'ë y'oyjya'ap.

Proverbios 11:20

Dios y'ëxëëk'ijxyp yë ja'ay mëti'ipë ëxëëk jot winma'anymyëët'ajtypyën; e mëti'ipë oy winë tyuun kyajpxtëpën janty'oy tsoky tjawë.

Proverbios 11:1

Dios ka'ap t'oyjyawë ko tii kä'pxy kyayajkijpxy, yë'ë oyjya'ap ko tii kä'pxy yajkijpxy.

Salmos 119:59

Ënätës të nmëmay të nmëtajy wi'ixës winë ntunyën, täätsës jatëkok të n'ëna'any ni'ik jaak'oy yowë koos yë m'ënä'ämën mtëyajtën nkuuytyunëty.

Salmos 39:1

Ëjts jëtu'unës ënety të nmay të ntajy koos oy njuuky'ata'any, ka'apës nëkoo nëë poky ntuna'any nkajpxa'any, mëkës yë n'aaw nyä'än nkëwent'ata'any ko ënety ja ëxëëkja'aytyëjk nwintuuyës yajpaatë.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Dios ets tukjotkëta'akëty.

Job 22:4

Pën yë'ë m'awijtsë'këp ets pyaye'epy yë mpoky, ka'ap yë'ëkyëjxmëty ko mijts oy xymyëtuny,

Job 35:7

Ets oy tii oy xyjyatuunpë, ka'ap yë'ëjëty tuk'oy'äty; ka'ap yë'ëjëty xy'oytyuny.

Job 21:15

¿Pën maaytyääyëp winë ets yë'ë nmëtu'unmëty? ¿Tii npëjkmëp npatmëp ko yë'ë nmënu'kxtakmëty?

Job 34:9

Jëtu'un y'ënä'äny ko ka'ap tii yajpaaty yaj'ixy ko nyätyijyë oy näyajnaxa'anëmëty Dios wintuuy.

Proverbios 9:12

Pën mijts mwijy mkujk, mijts kë'ëm mtuk'oy'atëp. Pën ëxëëk mja'ay'äty, kë'ëm ëyo'on mnätyukpaatëtëty.