Job 22:29 - Biblia Dc en Mixe de Quetzaltepec

²⁹ Jä'ä ko yë Dios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Biblia Mixe de Quetzaltepec

²⁹ Jä'ä ko yë Tios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Job 22:29 ပူးပေါင်းရင်းမြစ်များ

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

Mateo 23:12

Jä'ä ko mëti'ipë kë'ëm nämyëjpëjktakëpën naxym nëjkx yajpëjktä'äky, e mëti'ipë yu'unk naxym näpyëjktakëpën, mëj nëjkx nyäxy.

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Salmos 138:6

Oyxyëp yë Wintsën jam y'ëkyajpaaty këjxm, yë'ë wa'ats t'ixy tuny mëti'ipë ja'ay yu'unk naxym juukyajtpën, ets nän jëkämpaat t'ixy tuny yë ja'ay mëti'ipë amëj akëjxm ja'ay'ajtpën.

Lucas 14:11

Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Job 5:11

yajmëjnajxyp yë ja'ay mëti'ipë yu'unk naxym yajpatpën, yajjotkujkëp yë ja'ay mëti'ipë moonp tujkpën;

Job 36:7

xëmë tkuwa'any yë ja'ay mëti'ipë mëtëy juuky'ajtëpën; yë'ë pyëjktäkpy yë yajkutujkpë jam ma kutujktaknën ets yë'ë jeky yaj'ëne'empy.