Job 22:24 - Biblia Dc en Mixe de Quetzaltepec

²⁴ ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

Biblia Mixe de Quetzaltepec

²⁴ ets pën jëtu'un xy'ixy yë pu'ts pujxn oyëtypë tä naaxwayën, ëkë tä tsaajën mëti'ipë wokjoty ka'tsnääpyën,

Job 22:24 ပူးပေါင်းရင်းမြစ်များ

Isaías 13:12

Nyaj'ëmaaytya'akäämpyës yë ye'etyëjktëjk këtiinëm yë pu'ts pujxn mëti'ipë tso'onpën Ofir.

1 Reyes 9:28

ets jam jyajtë Ofir, jamts may tpatë yë pu'ts pujxn, ojts jëtää tpaatë majkmäjtsk mil tsimën ets ojts tukninëjkxtë ja Salomón.

Salmos 45:9

Ja to'oxy'ëna'këty mëti'ipë jam yajpatëpën ma mëtëy winë xynyipaye'eyën aakjä'ä jam ja oyëtypë mëti'ipë mëj'äämpy ijtëpën; ja wintaj mëti'ipë yajkutujkpën a'oytsyow y'u'unyë ma mëët myajkutukyën, yë'ë mëët y'oytyunyëty ja pu'ts pujxn oyëtypë.

Job 31:25

Ka'apës të n'ëna'any ko yë wit meeny yë'ëjës ntukjotkujk'ajtyp ëkë të n'ëna'anyës ko may yë wit meeny nmëët'atëtyës.

2 Crónicas 9:27

Yë yajkutujkpë may yaxon tnipëjkpejty yë pu'ts pujxn jëtu'un tä tsaajën; may ja ajë kepy jëtu'un tä tsajp pëët kepy jam joyjotm myäytyänëtën.

2 Crónicas 9:10

Ëpëky ja pu'ts pujxn ets oyjyätyëtypë ja tsaa mëti'ipë ënety të tmëmintën ja Hiram ja jyä'äy ets ja Salomón ja jyä'äy, jampë tyajtso'ontën Ofir, ma näjyëtu'un tyajtso'ontë ja oyëtypë kepy ets tsaa.

2 Crónicas 1:5

Ja tsuxkpujxn wintsë'këntyakn mëti'ipë ënety ja Besalel të t'oytyunyën, yë Urí myaank ets Hur y'ok'u'unk, jam ënety näjyëtu'un yajpaaty ja Gabaón, yë'ë mëët nyäwyinku'ixëty ja wit tëjk ma ja Wintsën ja kyaaxë y'ityën. Ja Salomón ets mëët ja may Israel ja'ayëty, ojts jam nyëjkxta'atë ets tpëka'antë ja nija'awën.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

1 Reyes 10:21

Tëkokyë ja a'ukën mëti'ipë ja yajkutujkpë yajtuumpyën aak pu'ts pujxn ënety mëët y'oytyunyëty ets aakjëtu'un ja y'apëjk y'atu'unën mëti'ipë jamën ma ja akujktëjkën mëti'ipë yajtijpën Líbano Yukjot. Ka'ap ijty ja'ay nëkooyë tyajtuntë yë poop pujxn, jä'ä ko ka'ap ënety nëkooyë tsyowëty ko ja Salomón jyuuky'äjty.

Génesis 10:29

ets Ofir, Havilá ets Jobab. Aakyë'ë ya'atë ojts t'u'unk'aty yë Joctán.

1 Reyes 10:11

Ëpëky mëti'ipë ënety ja kepy nëëwinye'epyën të tmëminyën jampë tsyoonyën Hiram, ojts tmëminy yë pu'ts pujxn mëti'ipë jam Ofir tso'onpën, myëmiin näjyëtu'un oyëtypë kepy ets tsaa oyëtypë ets tsowëtypë.

Job 22:25

yë Wintsën mëti'ipë maaytyääyëpën winë, yë'ë nëjkx jëtu'un nyäxy tä pu'ts pujxnën ets tä poop pujxnën may'äämpyë.

Job 31:24

Ëjts ka'apës yë'ë pu'ts pujxn të njä'ä'aty ets ka'ap jyamëty yë nwinma'anyës të npëjktä'äky ets yë'ë të ntukjotkujk'atyës.

1 Crónicas 1:23

Ofir, Havilá ets Jobab. Tëkokyë ya'atë ja'ayëty aakyë'ë ojts t'u'unk'aty t'ëna'k'aty yë Joctán.