Job 22:21 - Biblia Dc en Mixe de Quetzaltepec

²¹ Kajpx'oyë yë mtsip m'äkë mëët yë Dios ets jatëkok yë mjotkujk'ajtën xypyaatëty.

Biblia Mixe de Quetzaltepec

²¹ Kajpx'oyë yë mtsip m'äkë mëët yë Tios ets jatëkok yë mjotkujk'ajtën xypyaatëty.

Job 22:21 ပူးပေါင်းရင်းမြစ်များ

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Isaías 27:5

Pën tsyojkpy etsës nkuwa'anëty, wä'än t'ëëw'oy tkajpx'oyë ja tsip äkë mëët ëjts.

Filipenses 4:7

Jëtu'un ja Dios mmo'ojëtëty ja jotkujk'ajtën mëti'ipë ka'ap myäyën tja'akyukëty ja naaxwiinyëtë ja'ay; ets ya'atë jotkujk'ajtën yë'ë kyëwent'atäämpy ja mjot mwinma'anyëty, mma'ayënëty mtajënëty ko ja Kristë Jesús të xymyëpëktë.

Salmos 34:10

Yë kumeenyjyä'äytyëjkëty ëyoopëja'ay y'awinpita'antë, ets nëjkxëp yuu'ooktë, e mëti'ipë ja Wintsën y'ijxtaaytyëpën, ka'ap tii tyëkoy'ata'anxëtë.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

Mateo 5:25

Pën jää pën mni'ëënëty ets myajnëjkxa'anyë kutuunk wintum, nikë timkajpx'oyë mëët nimäjtsk naamtamnëm tu'ujotm myajpaatë ets këtiipë myajnëjkxëtëty ma ja kutuunkën. Pën ka'ap, mkë'ëyakëtëp ja kutuunk ma ja tajk mayuutën ets myajtsumëty.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.