Job 21:6 - Biblia Dc en Mixe de Quetzaltepec

⁶ Ëjtspaat ntsë'ëkë koos nmëmay nmëtajy mëti'ipës nikajpxäämpyën; yë njot nini'kxës je'eyë tsyëtyuuynyë mëët yë tsë'ëkë.

Biblia Mixe de Quetzaltepec

⁶ Ëjtspaat ntsë'ëkë koos nmëmay nmëtajy mëti'ipës nikajpxäämpyën; yë njot nini'kxës je'eyë tsyëtyuuynyë mëët yë tsë'ëkë.

Job 21:6 ပူးပေါင်းရင်းမြစ်များ

Habacuc 3:16

Koos të nmëtoowta'ay tu'kë'ëyë ya'atë, tëëjës ntsë'ëkë. Jëtu'unës yë n'atääm të y'ëktsëyuuypyëjknë, jëtu'unës yë nteky të njawë tëë yowë yu'unkëtyääynyë ets ka'apës oy n'ëktuktënaaynyë, ka'apës ja njot nini'kx të xy'ëkmaaynyë. E oy y'ëkjëtu'unëty ëjts je'eyëmës n'a'ixa'any njëjp'ixa'any jëna'a yë Wintsën tyaj'ëyo'onpaata'any yë mëtsip mëti'ipë yaj'ëyoopën.

Salmos 119:120

Tsëyuupyës yë njot nini'kx mijts mwintuuy mëët yë tsë'ëkë. Ëjts nwinkutsë'këpës yë m'ënä'ämën mtëyajtën.

Salmos 88:15

Yë jëtu'unpë jää ojts tsyo'ontä'äky koos n'ëna'k'ajty ets jëtu'un tyampaat tyu'uye'ey, mon tukës nyajpaaty, o'kën jëjp'amës näjyawëty; tëës yë këjääjëtypë ëyo'on jotmay nyajnaxy mëti'ipës të xytyuknikexyën, e maas tyam ja ëyo'on npaatyën ka'apës n'ëkmëmëta'akanë.

Salmos 77:3

Koos yë Dios nja'amyetsy, täätsës ntëkë yaxpë; ntëkës ënät määpyë tajpë etsës jëtu'unyë nkumon nkutukë.

Salmos 55:5

Tëës yë mëktsë'ëkë xytyuktëkë ets janty tsëyuuypyës mëët yë tsë'ëkë.

Ezequiel 7:18

Nëjkxëp tuktëkëtë ja wit mëti'ipë u'kxpën kuumpën ko ënety pyëkëtë y'atonëtë; aak tsëtyuytyëp ja jyot nyini'kxëty; tsaptsëm ja wyiin jyëjp jyajta'aja'antë mëët ja tsëtyu'un ets aak kutë'kx nyätyuunta'aja'anëtë.

Job 9:28

je'eyës kë'ëm ntsë'kënë koos mëk npëkyë n'ixyë, jä'ä ko nija'apës ko yë Dios ka'apës xy'ixy ëjts nwa'atsja'ayëty.