Job 21:18 - Biblia Dc en Mixe de Quetzaltepec

¹⁸ ¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Biblia Mixe de Quetzaltepec

¹⁸ ¿Jëna'a të y'ëkwa'kxtëpë jëtu'un tä yë pu'uxm pyojwä'kxyën ko pojxujtyky nyäxy?

Job 21:18 ပူးပေါင်းရင်းမြစ်များ

Salmos 1:4

E yë ëxëëkja'aytyëjkëty ka'ap jyëtu'un'atë, jä'ä ko jëtu'un yë'ëjëty tä aaykyëta'akën mëti'ipë winpapojpën.

Salmos 83:13

Dios, mëti'ipës nTios'ajtypyën, mijts m'a'ixëp ets jëtu'un kyëtawtëty kyëpiptëty tä wyinkëpipyën yë zarsa koxy, ets jëtu'un tä aaytyë'ëts ujtstë'ëtsën wyimpapojyën.

Salmos 35:5

Wä'än jëtu'un tjatë tkëpätë tä pu'uxm wyimpapojyën, mëti'ipë yë tsajpjotmëtë kukäjpxy të t'ëxkexyën.

Job 13:25

Ëjts jëtu'unës tä tu'uk yë aaykyëta'akën mëti'ipë pojjëtijtpën, ¿wi'ix ko ënät xyajkutëkoyä'änyës? Ëjts aay pu'uxmës yë'ë, ¿wi'ix ko xy'ixjëtity xypyajëtityës?

Isaías 17:13

Ko ja Wintsën y'ojëtë, ënätyë kyääkjoktë ets jëkäm nyëjkxtë, jëtu'un tä pu'uxm wyimpapojyën tunkëjxm, jëtu'un tä äpnytyë'ëts pyojë'ëkyën ko mëktuupoj myiny.

Isaías 29:5

E ajotkumonë nëjkx yë mmëtsiptëjk o'ktëy jyajta'atë, ja Wintsën mëti'ipë maaytyääyëpën winë yë'ë nëjkx tëytyuny ja mmëtsip mëët ja poj ënääw, nëë tuu ets jëën. Nëjkxëp ja mëtsip naax wayën jyajta'atë, ets tä tu'uk pu'uxm wyimpapojyën, jëtu'un nëjkx kyëxë'knëtë.

Mateo 3:12

Jëtu'un ja naaxwiinyëtë ja'ay tunëty ijxtëm ja tsajpmokpajk yajwinpojy ets tëkoty nyijkxy ja wa'atspë ets ja y'ak yajnino'oky ma ja jëën nijëna'a kyapi'itsyën.

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Oseas 13:3

Paatykyëjxm jëtu'un jyata'antë tä nëëma'a yaj'ixyën jopyëp; tä maanik kyä'äyën ets ënätyë tyëkoy; tä aaykyëta'ak wyimpapojyën; tä jok pyëtsimyën jëëntooytyaknjoty.

Jeremias 13:24

Paatykyëjxm jëtu'unyë nwojpwa'kxa'antë, jëtu'un tä pyojwä'kxyën yë aay pu'uxm mëti'ipë pojë'kpën jam të'ëts'itjotm.

Isaías 40:24

Jëtu'un tä pi'k ujts u'unkën naaxkëjxy yonyën mëti'ipë yajnaanpäänpën, mëti'ipë ëka'any tiktskäkpën. Pën yë Wintsën yaj jëënpojpy ma yë'ëjëtyën, xootsantëp ënätyë, ets wyimpapojy mëët mëktuupoj tä aay pu'uxm wyimpapojyën.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Éxodo 15:7

Mëët yë mmëkajtën, yë'ë mëët xyjyaamte'eny xynyaaxte'eny, ja mëti'ipë mjanipëtë'kën, ko ja mjoot'an yajxon tyooypyijky. Ënet yë'ëjëty tyooytyëkooytyääytyë jëtu'un tä mëëy tyoyën.

1 Corintios 3:12

Pën jää pën ja potsy yë'ë tukjëjpëja'any ja pu'ts pujxn, ja poop pujxn, tsujëtypë tsaa, kepy, mëëy ëkë waxk aay, ma ya'atë tuunk të tsyo'ontä'äkyën,

Job 22:16

Yë'ëjëty jëtu'un të y'o'kta'atë tä jeexyë të nyëënikoompätën ko yë mëjnëë të kyomy.

Job 27:21

Yë mëkpoj mëti'ipë jam xëëwpëtsëmy tso'onpën, yë'ë nëjkx yë tyëjk kyë'ëtsë'kxëty;

Proverbios 10:25

Ko yë mëkpoj nyäxy, yë ëxëëk ja'ay jëtu'unyë pyojtëkoy; e yë wa'ats ja'ay xëmë jotkujk y'ity.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Salmos 83:14

Jëtu'un tä yë jëën jyëtityën tunkëjxm kopkëjxy, ets tëkokyë tno'kta'ay winë,