Job 2:7 - Biblia Dc en Mixe de Quetzaltepec

⁷ Ënet ja tsajpjotmëtë kukäjpxy mëti'ipë ni'ë'ënëpën jam tsyo'ony ma Wintsënën ets tuknikejxy ja Job ja yuu pa'am. Ënätyë Job tyukpëtsëëmtaayë xi'ipyë pa'am.

Biblia Mixe de Quetzaltepec

⁷ Ënät ja tsajpjotmëtë kukäjpxy mëti'ipë ni'ë'ënëpën jam tsyo'ony ma Wintsënën ets tuknikejxy ja Job ja yuu pa'am. Ënätyë Job tyukpëtsëëmtaayë xi'ipyë pa'am.

Job 2:7 ပူးပေါင်းရင်းမြစ်များ

Deuteronomio 28:35

Yë Wintsën nëjkxëp yë pu'uts pa'am mtukpaatyë ma mtekykyoxën, ma mpuuyën ets ma tëkokyë mjot mnini'kxën. Oy nëjkx mja'ëna'any ets jeexyë mtsooypyety, kamaa tsooy xykyapaatëty ets mtso'okëty.

Isaías 1:6

Ma mtekyjyëjpën ets jampaat ma mkëpajkën aak pëjkp atoonëp, aak tsëtyut, aak tuk'ookë, aak putsp yaj'ijxnë; ni pën tkayajtsooypyetsy, ni pën tkakupä'änë ets ni pën tkapujy.

Job 30:30

Yëkëm je'eyë yë nini'kxës të jyajnë, je'eyë tyooynyë jyäämnë yë njot nkëpajkës mëët yë mëk jëën.

Deuteronomio 28:27

Yë Wintsën nëjkxëp mëët myaj'ëyoyë yë pu'uts pa'am, jëtu'un tä jap Egiptë ja'ay jyajtë kyëpäjtën, nëjkxëp mpëkyë yë tsaamaxn, xi'ipyë pa'am ets tsajpnitooy; oy nëjkx mjanäyajtsooypyetyë ka'ap mtso'okëty.

Apocalipsis 16:11

ka'ap t'ëxmajtstë ja pyokytyu'unënëty, wäänëni'ik tmëtëkooy'ëtëtstë ja Dios, mëti'ipë tsajpjotmën, jä'äkyëjxm ko ja ëyo'on jëtu'un t'ixtë.

Isaías 3:17

yë'ëjës mëët ntëytyuna'any ja pa'am mëti'ipë yajkutë'kxëpën ets ja wyääy kya'ata'atëty ets niwa'ats ëxwa'ats wyë'ëmtëty.

Job 7:5

Nitënë'k kutënë'kës yë njot nini'kxnë, aak putsp xii yaanë ets tëë tyukko'omëtyääynyë yë ni'akës.

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënet ja Wintsën të y'ëtsoyë: oy tääpë winma'any, nëjkx jëtu'un tun.

2 Samuel 14:25

Ma tëkokyë yë Israel kajpn tnitänën, ka'ap ënety maa ja'ay jëtu'unpë y'oyëty tsyujëty tä yë Absalonkën ets jëtu'unpë akäjpxy y'ityën tä yë'ëjën ka'ap nitii ma'at yaj'ixy, tsyo'ontä'äky ma tyekyën ets jyëjpkëxy ma kyëpajkën.

Job 2:6

Ënet ja Wintsën t'ëtsooy ja tsajpjotmëtë kukäjpxy mëti'ipë ni'ë'ënëpën: Oy xy'ëk'ixjmatsëty. Tun tii mtunäämpy mëët yë Job yë jyuukyajtën, je'eyëp tëy ko këtii xyaj'ookëty.

Job 13:28

Wäänjaty yë njot nini'kxës nyëjënuunë ko të pyutsta'ay, jëtu'un tä witën mëti'ipë tëë pyu'tnën.

Job 1:11

E ko winë xy'ëkjëpëjkta'ajëty ma yë'ëjën, tää xy'ëk'ixëty wi'ix mpokyën ets nëjkxëp kë'ëm xymyëtoy.