Job 2:3 - Biblia Dc en Mixe de Quetzaltepec

³ Ënet ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Biblia Mixe de Quetzaltepec

³ Ënät ja Wintsën y'ënëmaayë: ¿M'ixy'äjtyp yë Job mëti'ipës ntuunpë'ajtypyënë? Nimaa ja'ay jëtu'unpë kyaka'ty tä yë'ëjën naaxwiiny naaxkëjxy, mëti'ipës oy xymyëtuunpën ets mëti'ipë tëy tëtä'äky juukyajtpën, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë. Oy ëxëëk të xyjatuny ets të xyaj'ëyo'onpaaty ets ka'ap tii poky tmëëtëty, yë'ë mëk yë wyinma'any tmajts'ity ets ka'ap maa tyëkoy.

Job 2:3 ပူးပေါင်းရင်းမြစ်များ

Génesis 6:9

Ya'atë jëtu'un nyimëtyä'äky'äjtyp yë Noé. Ko yë Noé jyuuky'äjty, jëtu'un ojts winë tuny ijxtëm ja Dios y'ëne'emyën. Yë'ë tu'uk ojts oy jyuuky'äty ma ja naaxwiinyëtë ja'ayëtyën.

2 Samuel 20:20

Tä ja Joab y'ëtsooy: Ka'ap jyëtu'unëty, ëjts ka'apës yam n'ëna'any nyajkutëkoyä'äny, ëkë ënät xit ko'ow ntuna'anyës.

Job 1:1

Jam ma Us y'itjotmën, jam ijty tu'uk ja'ay tsyëënë, Job xyëëwajtyp. Oy ijty jyuuky'äty, ka'ap tii tuuntëkoy tkajpxtëkoy, Dios myëtuumpy ets nijëna'a ojts pën tkamëtëkoy.

Job 1:11

E ko winë xy'ëkjëpëjkta'ajëty ma yë'ëjën, tää xy'ëk'ixëty wi'ix mpokyën ets nëjkxëp kë'ëm xymyëtoy.

Job 1:6

Tu'kxëëw tu'kjëmëjt ojts nyäwya'këxë'ëkëtë yë tsajpjotmëtë kukäjpxy, ojts näjyëtu'un myiny yë tsajpjotmëtë kukäjpxy mëti'ipë ni'ë'ënëpën.

Job 1:8

Ënet ja Wintsën y'ënëmaayë: ¿M'ixy'äjtyp yë ntuunpës mëti'ipë xyëëwajtypyën Job? Nimaa ja'ay jëtu'unpë naaxwiiny naaxkëjxy, mëti'ipës oy xymyëtuunpën ets tëy tëtä'äky jyuuky'äty, mëtëy winë tuny ets nitii tëko'oyën tkamëëtëty, aak'oy jyiiky myëku'uk tjawë.

Job 13:15

Oy yë'ë jyatimy'ënaanpë koos xyaj'ooka'any, ëjts ka'apës yë n'ayuk ntukxi'ika'any, nëkoo ko n'ëktuk'ëwaanës wiinxë jëjpxë ko ëjts ka'apës tii poky të ntuny.

Job 2:2

Tä ja Wintsën yajtëëwë: ¿Maa mtsoony? Tä ja tsajpjotmëtë kukäjpxy mëti'ipë ni'ë'ënëpën y'ëtsooy: Naaxwiinyëtë ojts të n'aye'eyës.

Job 2:4

E ja tsajpjotmëtë kukäjpxy mëti'ipë ni'ë'ënëpën jëtu'un ja Wintsën t'ëtsooy: Ko ja'ay ka'ap tii jyäty kyëpetyë oy xëmë nyäjyawëty. Yë ja'ay nyajts'ijxëtyääpy oytyiijëty mëti'ipë myëët'ajtypyën, nëkoo ko kë'ëm nyäyajtso'okyë.

Job 9:17

Je'eyës nëkoo o'ktëy njaakjatëty jëtu'un tääjës jeexyë nwinpapojyën ets ni'ikyë npu'utsës myëjta'akëty;

Job 9:20

Ëjts oyës njanäjyawëty mëtëy yowë ntu'uye'eyës ets ka'apës yowë tii poky nmëëtëty, yë'ë poj'amës yë xyajpoky kya'ajëty ets poj'amës nëjkx ëxëëk njaty.

Salmos 26:1

Wintsën, paye'eykyës yë npoky, yë njuukyajtënës ka'ap tii ëxëëkpë tmëëtëty. Mijts Wintsën, mijts tu'ukyë ntuk'ijxpejtyp;

Salmos 37:37

Yë'ë ënät ëk'ix ëktun yë ja'ay mëti'ipë ka'ap tii tuuntëkoyën ets oypyë xëmë jyä'äy'ätyën: yë jëtu'unpë ja'ay yë'ë y'a'ijxyp jyëjp'ijxyp yë akujk'ajt jotkujk'ajtën.

Salmos 41:12

E ëjts, maas oy të njuuky'ätyën, mkë'ëjotyës yaj'ijtk, ets mijtsës xëmë mmëët'ajtk.

Proverbios 11:8

Yë Dios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Proverbios 13:6

Ja mëtëypyë ja tu'unën kajpxën kyuwäämpy ja ja'ay mëti'ipë ka'ap tii poky tmëëtëtyën. Yë ëxëëktu'un ëxëëk kajpxën, yë'ë yaj'o'kpy yajtëkoopy ja pokyjyä'äy.

Proverbios 14:2

Mëti'ipë ja'ay oy winë tyuunpyën wyinkutsë'këp yë Dios; e mëti'ipë tëkatsy winë tyuunpyën, jëkäm jëxkë'ëm Dios tpëjktä'äky.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Proverbios 16:17

Mëti'ipë jëtu'un yë wa'ats ja'aytyëjk yajxon timyajtuk'ënä'ämtëpën, yë'ë ko tmëjëkäm'atëty yë ëxëëkajtën. Ko yajxon yajkëwent'aty ma winë yajtuny yajkäjpxyën, kë'ëm ënety nnäkyëwent'ajtëmë.

Juan 9:3

Ënet ja Jesús y'ëtsoowëtë: Ni kyë'ëmpoky ets ni tyaak tyeety jëtu'un yë pyoky tkakujajtëyë. Yë'ëkyëjxm jëtu'un yajpaaty ets yaj'ix yajnijawëty pën mëpaat Dios myäyë yajtso'okëtëty.

Filipenses 3:12

Ka'apës n'ëna'any ko tëëjës tu'kë'ëyë npaataaynyë ëkë koos wa'ats ja'ay nyajpatnë ijxtëm ja Dios tsokyën. Yäjtsp pojpnëmës ets ja Kristë Jesús mpaata'anyës ijxtëmës yë'ë ëka'any të xypyäätyën.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.