Job 2:11 - Biblia Dc en Mixe de Quetzaltepec

¹¹ Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Biblia Mixe de Quetzaltepec

¹¹ Tam ijty yë Job tmëët'aty yë myëku'uktëjk mëti'ipë mëët oy nyämyäyën, jä'ä xyëëwajtëp: Elifaz, jam tsyëënë Temán; yë Bildad, jam tsyëënë Súah ets Sofar, jam tsyëënë Naamát. Ko tnija'awëtyë ko tëë Job ja yuu pa'am pyäätyë, ënät ojts tninëjkxtë ets tjämyëët'ata'antë ma jam pyikyë y'ixyën.

Job 2:11 ပူးပေါင်းရင်းမြစ်များ

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

Job 42:11

Ënet ja myëkä'äxtëjk, ye'etyëjkpë to'oxytyëjkpë, myëjëën myëtëjk ets mëti'ipë mëët nyäwyin'ixy'ätyën ojts nyimiinta'ajëtë, tu'uk ja xëëw tyaj'apatëtyë jam ma ja Job ja tyëjkën. Ojts myëmëtya'akëtë ets wyinxoon wyin'ijtëtë ko ënety o'ktëy të jyäty të kyëpety, ko ënety ja Wintsën ja ëyo'on jotmay të tyuknikexyë, tu'ukjaty ojts tmo'otë ja wit meeny ets pu'ts pujxnkë'ëjiits.

Jeremias 49:7

Ma ja Wintsën tnikäjpxyën wi'ix ja Edom jyata'anyën: ¿Tii këtii jam Temán pën kyuwijyëtyë? ¿Ti këtii tnijawëtë yë ijxpëkyjyä'äytyëjkëty tii tyuntëpënë? ¿Tëë tyëkooytyä'äy mëti'ipë jyajtëp nyija'awëtyëpënë?

Proverbios 17:17

Tu'uk yë jëëky mëku'uk xëmë tsyoky jyawë; jëtu'un nyäxy tä mëkä'äxën ko myëku'uk mon tuk yajpaaty.

Job 6:14

Yë mëku'uk mëti'ipë mëët oy nämyä'äyëmën, je'eyëm yajtsoky oy ënety ka'ap tii oy të tuny.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.

Génesis 25:2

Yë'ë ojts t'u'unk'atë mëti'ipë xyëëwajtën Zimram, Jocsán, Medán, Madián, Isbac ets Sua.

Juan 11:19

ets may ja jutiis ja'ayëty ënety të tninëjkxtë ja Marta ets Maria ets tjotmëkwinkajpxëtë ko ja myëkä'äx Lázaro të y'ooky.

Job 19:21

Pa'ëyoowtëkës miitsëty mëku'uktëjkëty, mëti'ipës mëët oy të nämyäyën, jä'ä ko yë Dios yë'ëjës ëxëëk xytyuunp.

Job 6:19

Yë tu'uye'epyëtëjkëty mëti'ipë jamën Temá ets Sabá, yajxon nëë tjanty'ixta'atë ma tääpë wokjotmën,

1 Crónicas 1:32

Ya'atë y'u'unk'ajt y'ëna'k'ajt yë Ceturá mëti'ipë Abraham jëtu'unyë nyamëëtsënaayën: Zimram, Jocsán, Medán, Madián, Isbac ets Sua; näjyëtu'un ja y'u'unk y'ëna'këty ja Jacsán mëti'ipë xyëëwajtën Sebá ets Dedán.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 36:15

Ya'atë ojts y'ënä'ämtë ma ja jyä'äyëtyën mëti'ipë y'u'unk'ajt y'ëna'k'ajtën yë Esaú. Ja myëtu'uk u'unk jä'ä xyëëwajt Elifaz; ma Elifaz yë y'u'unk y'ëna'kën, yë myëtu'uk u'unk yë Esaú. Yë'ë ënä'ämpë ijtë Temán, Omar, Sefó Cenaz,

Génesis 36:11

Yë y'u'unk y'ëna'k yë Elifaz jä'ä xyëëwajtë Temán, Omar, Sefó, Gatam ets Cenaz.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Isaías 51:19

Ya'atë ojts mäjtsk xy'ëyo'on'aty: ko ja mnaax mkajpn kyutëkooy ets winë yajmä'tstaay, ets ko ojts ja mja'ay ja jëën tsip ets yuu xëëw yaj'ookëtë. ¿Pën ënät mpa'ëyowëtëp? ¿Pën ënät myajjotkujkëtëp?

Proverbios 27:10

Kajëna'a ja mjëëky mmëku'uk xykyaja'atyëkoyëty, ni yë'ë ja mteety ja jyiiky myëku'uk mëti'ipë mëët të nyämyäyën. Nijëna'a jam xykyamënëjkxëty ja m'amay mjotmay ma jyëën tyëjkën yë mmëkä'äx.

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

Job 42:7

Ko yë Dios jëtu'un tmëkajpxtaay yë Job, ojts t'ënëëmë yë Elifaz: Tëës mijts xyajjoot'anpëky, tëëjës ntukjoot'anpëjkta'ay yë mëku'uktëjk mëti'ipë mëët oy mnämyäyën, jä'ä ko ka'ap tii tëy të xynyimëtya'aktë tääjës yë ntuunpën Job.

Job 19:19

Yë'ëpaat yë ja'ayëty mëti'ipës ënety mëët oy të nämyäyën ëxëëkës xy'ijxnëtë; mëti'ipës ënety ntsojkpy nja'apën tëëjës ja xymyëtsiptso'onëtë.

Job 18:1

¿Jëna'a tëy tyaapë ja'ay kyajpxta'ajanë? ¿Ko jeexyë jap wyinma'any jyëkyejpy jeexyë nmëtyakëmë?

Job 16:20

mëti'ipë kyajpxwa'atsëpën ma Tiosën ëjts yë njot nwinma'any ets t'ixëty wi'ixës një'ëy nyä'äxyën;

Job 15:1

Mëti'ipë ja'ay këpetyën ka'ap nëkoo oy nawi'ix y'ëtsoy ets ka'ap nëkoo kyäjpxy poj'am;

Job 13:4

Miitsëty ni'ikyë xynyipä'äntë ja tëyajtën mëët ko je'eyë mwin'ëëntë; jëtu'un mnäyajnaxëtë tsooyëpën ets ka'ap nijëna'a pën xyajtso'oktë.

Job 8:1

Job, ¿wi'ix ko xëmë jëtu'un mtimy'ënä'äny? Jëtu'un mtimkyäjpxy tä jeexyë myëktuupojyën.

1 Crónicas 1:45

Ko yë Jobab y'o'ky yë'ë ojts kyutëkëty yë Husam, jam kyukajpnëty ma ja Temán y'itjotmën.

1 Crónicas 7:22

Efraín mëk ojts tyeety nyimony nyitukyë, oknëm myiintë ja jyiiky myëku'ukëty ets ojts yajjotkujkta'akëtë jatëkok.

Job 42:9

Ënet yë Elifaz, Bildad ets Sofar ojts jëtu'un tuntë tä ënety yë Wintsën të tyuk'ënä'ämëtën, ja Wintsën ojts tmëtoow'ity wi'ix ja Job ojts Dios tmëkäjpxyën.

Abdías 1:9

Yë tsiptuunpëtëjkëty, Temán ja'ayëty, nëjkxëp tsyëtyuuypyëktë mëët yë mëktsë'ëkë ets jam kopkjotm ma Esaú y'itjotmën ka'ap nëjkx jam pën wyi'imy juuky.

Génesis 36:34

Ko yë Jobab ojts y'o'knë, yë'ë ojts kyutëkëty yë Husam ets yë'ë yajkutujkpë'atëty; jam ënety kyunaax kyukajpnëty ma txëëwatyën Temán.

Josue 15:41

Guederot, Bet-dagón, Naamá ets ja Maquedá, jä'ä nyiwinë'ajtë ja kajpnëty majkmokx tu'uk, ëpëky ja myutsk kajpnëty mëti'ipë nyitënaaytyëpën.

Job 4:1

Job, yajnija'ap ko mijts wiink jëtää xyjyawë ko pën m'atsipyë ets mne'emyë, je'eyëp ko yë'ë ntuk'ënëëmëjäämpy ko ka'ap tjëkyepy amonyë n'ijtmëty xëmë.

Job 11:1

Tëkokyë tääpë aaw ayuk mëti'ipë të xykyäjpxyën, jyëkyejpy yë n'ëtsoowinpijtmëty, jä'ä ko ka'ap yë'ëkyëjxmëty tii oy nimëtyakmëty ko jeky nmëtyakmëty.