Job 18:7 - Biblia Dc en Mixe de Quetzaltepec

⁷ Jëtu'unyë myëjaawkëxa'any ko ënety muum nyijkxy ets kë'ëm jam nyäyajka'aja'anyë o'këntum ma ënety ja o'ktakn të tnipëjktaakën yu'utsypë.

Biblia Mixe de Quetzaltepec

⁷ Jëtu'unyë myëjaawkëxa'any ko ënäty muum nyijkxy ets kë'ëm jam nyäyajka'aja'anyë o'këntum ma ënäty ja o'ktakn të tnipëjktaakën yu'utsypë.

Job 18:7 ပူးပေါင်းရင်းမြစ်များ

Proverbios 4:12

ma ka'ap tii m'atsipëtëtyën ets ka'ap ma mkunäp mkutä'pxëty oy jënu'un mpëyë'ëkëty.

Salmos 18:36

Janty këtii tsyipëty yë në'ë ntu'ujës të xyaj'oyë, ets nkë'ë ntekyës ka'ap ma të jyëxëxy.

1 Corintios 3:19

Yë naaxwiinyëtë ixpëkyajtën tsuuwinma'any yë Dios tyajnaxy, jëtu'un ja Dios ja y'aaw y'ayuk kyëxja'ayëty: Näy yë'ë kyë'ëm wijyajtën nëjkx ja ixpëkyjyä'äy Dios tyu'u'ëtukëtë ijxtëm tu'uk ja jëyujk yajtu'u'ëtukyën, jä'äkyëjxm ko tkanijawëtë ko ja y'o'kën t'anëjkxëtë.

Oseas 10:6

Tääpë awinax jam Asiria yajmënëjkxa'any ets yajtukë'ëtëkëja'any yë yajkutujkpë. Jëtu'un nëjkx yë Efraín wyi'imy tsëtyu'unmëët: Yë Israel wintsëtyu'un jëjptsëtyu'un nëjkx nyäjyawëty mëët ko ënety ja y'awinax të tyukjijtëtyä'äy.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Job 36:16

Mijts ojts myajtso'okyë o'kënjëjp'am, may'äämpy winë mmooyë ets myaj'ëwaatsëpëtsëëmë; ujts të tyaj'ity yë mkaaytyakn mëët yë jë'kxy pëky.

Job 20:22

Ma ënety nëkooyë ja wit meeny tpatnën, ni'ik jää kyëjääjëja'any ja jyotmay; jä'ä ko yë ëxëëkja'aytyëjk jää nëjkx ëxëëk tyunyë.

Job 15:6

Ka'ap kyopkpëkyëty mijts n'ojëty, mkë'ëm'aaw mkë'ëm ayuk mnätyuktëytyuunëp.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

2 Samuel 15:31

E ko ja David yajtukmëmëtyäky ko ja Ahitófel jä'ä ënety mëët ja Absalón jëtu'unpë ja winma'any të tpaaty ko tnikäjpxytyunëtë ja yajkutujkpë, ënät ja David ënätyë ja Wintsën tmënu'kxtäky ets ja Ahitófel jëtu'unyë wyinma'anytyëkoyëty.

2 Reyes 6:11

Ja yajkutujkpë jampë y'ëne'emyën Sirië, ka'ap ënety ninu'un tja'akyukë wi'ixën ko jëtu'un jyäty kyëpety, paaty ojts tmëkajpxmujkta'ay ja tsyiptuunpëtëjk ets t'ënëmaay: Tyam yë'ëjës xytyuk'ëwaanëtëp pën y'apupejtyp yë yajkutujkpë jampë yajpaatyën Israel.

Proverbios 11:5

Ko jyää'aty ja oypyë nipaye'eyën, ja wa'ats ja'aytyëjk o'oyëtëp ja tyu'ujëty; e ja ëxëëk ja'ay ëxëëk tmëjaty ja y'ëxëëktu'unën.

Proverbios 29:6

Yë ëxëëk ja'ay kyë'ëmpoky muum kyu'o'këp; e yë ja'ay mëti'ipë winë oy tyuunpyën, akujk jotkujk jyuuyky'äty.