Job 17:14 - Biblia Dc en Mixe de Quetzaltepec

¹⁴ Ëjts yë'ëjës nteety'äjtyp, ntaak'ajtyp ets nmëkä'äx'ajtyp yë tënë'k mëti'ipë jap o'kpëjutjoty yajpatëpën.

Biblia Mixe de Quetzaltepec

¹⁴ Ëjts yë'ëjës nteety'äjtyp, ntaak'ajtyp ets nmëkä'äx'ajtyp yë tënë'k mëti'ipë jap o'kpëjutjoty yajpatëpën.

Job 17:14 ပူးပေါင်းရင်းမြစ်များ

Salmos 16:10

Jä'ä ko mijts ka'apës o'këntuuy xyajwë'ëma'any, ka'ap tjëkyepy jap jutjoty tu'uk yë wa'ats ja'ay xy'ëxmatsëty.

1 Corintios 15:42

Näyjyëtu'un jyata'any ko ënety ja o'kpë jyuukpyëktë. Ko nyaaxtëkëtë, tëkooytyëp jä'äjëty; e mëti'ipë juukpyëjkpën ka'ap ja y'ëktëkoyanë.

Isaías 14:11

Yaa ja mmëjajtën mkëjxm'ajtën jyëjpkukëxë ets ja m'ëëpëty myaxpëty. Ja maapäjn tëë pyutstëkooynyë, ja mwit mëti'ipë mtukwinyä'pëpën ja maapäjn, tëë tyënë'këtyääynyë.

Salmos 49:9

Ets jyuuky'atëty xëmëkyëjxm ets kajëna'a yë o'kën kyatukja'tëtëty.

Job 30:30

Yëkëm je'eyë yë nini'kxës të jyajnë, je'eyë tyooynyë jyäämnë yë njot nkëpajkës mëët yë mëk jëën.

Job 24:20

Yë'ëpaat yë tyaak jyä'äytyëkooyënë; yë tënë'k tsu'tstaayëp ets ka'ap pën y'ëkja'amyäjtsënë. Yë ëxëëk ja'ay jëtu'un jyata'any tä yë kepy kyëtäyën ko yajpujxë'ëky.

Job 21:26

Jap naaxjoty kyëtakta'atë, jap aak tu'knax yajpaatë; aak tsu'tsëtëp yë tënë'k ets pijky.

Job 13:28

Wäänjaty yë njot nini'kxës nyëjënuunë ko të pyutsta'ay, jëtu'un tä witën mëti'ipë tëë pyu'tnën.

Job 19:26

Oyës jeexyë njot nini'kx jyatim nyëka'atääpyë wäänjaty, ëjts koonëmës yë Dios n'ixa'any wiinxë jëjpxë.

Job 7:5

Nitënë'k kutënë'kës yë njot nini'kxnë, aak putsp xii yaanë ets tëë tyukko'omëtyääynyë yë ni'akës.

Job 25:6

Tiimëk jëtää tu'uk yë naaxwiinyëtë ja'ay; mëti'ipë jëtu'un tä tënë'kën.