Job 17:11 - Biblia Dc en Mixe de Quetzaltepec

¹¹ Poj'am nyäxy ja xëëw jëmëjt ets ja mëti'ipës të nmay të ntajyën, mëti'ipës ënety të ntsojkën'atyën jëtu'unyë tyëkooytyääynyë.

Biblia Mixe de Quetzaltepec

¹¹ Poj'am nyäxy ja xëëw jëmëjt ets ja mëti'ipës të nmay të ntajyën, mëti'ipës ënäty të ntsojkën'atyën jëtu'unyë tyëkooytyääynyë.

Job 17:11 ပူးပေါင်းရင်းမြစ်များ

Job 7:6

Yi'iyës n'ëwxijtyp jëna'ajës n'ooky maas ka'ap nitii n'a'ixy njëjp'ixyën. Jëtu'un yë n'o'kënës wyinkony poj'am tä kepy y'ëwtityën pe'tympe'tym mëti'ipë wit kojpën.

Isaías 38:10

Tyaajës ënety ëjts të nmay të ntajy: Maas ënety jotkujk njuuky'ätyën jääjës nëjkx ntso'onë; jä'ä ko jëtu'un të nyaj'ëne'emyës koos jam nnëjkxëty ma xëmëkyëjxm ooky nyajpatmëtyën.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Dios jää patënëp.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Romanos 1:13

Tyam ntuknijawëtë mëku'uktëjkëty, ko tëëjës kanaak ok njatuknipëjktaakë ets të njaninëjkxa'antë ets nni''ixa'antë, je'eyëp ko xëmës ja ëtujkpë të npaaty. Yë'ës njatsojkpy ets ja Dios tyajkutukëty etsës n'ixa'any wi'ix ja Dios tyunyën ma miitsëtyën jëtu'un tääjës të n'ixyën wiinktsow muum ma ka'ap jyutiis kajpnëtyën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Dios të tyajkutukyën.

Job 17:12

E miitsëty mëpaatëp yë tsuu xyaj'awinpitë xëëny; oy jyakootsëty jëtu'un m'ëna'antë ko tää tyim xëënyë.

Job 17:1

Tujkpës yë nxejy njawë; këjxpës yë njuukyajtën njawë; jëtu'unës näjyawëty xy'ëwxijnëpës yowë o'kpë jut.

Proverbios 16:1

Yë ja'ay myëmääpy myëtäjpy ko tii tuknipëjktaakë, e ko winë wyintu'upëjknë, yë'ë Dios yajwintu'upëjkpy.