Job 16:9 - Biblia Dc en Mixe de Quetzaltepec

⁹ Tiosës xy'ixjëtijtp xypyajëtijtp ets jëtu'unës xyjyatim tyuknukëja'any, jëtu'unës xynyipëtë'ëky tä kaajën, koos xywyintë'kxy jëtu'un yaj'ixy xytyimtsu'utsaanpës yowë tääjës yë nmëtsipën.

Biblia Mixe de Quetzaltepec

⁹ Tiosës xy'ixjëtijtp xypyajëtijtp ets jëtu'unës xyjyatim tyuknukëja'any, jëtu'unës xynyipëtë'ëky tä kaajën, koos xywyintë'kxy jëtu'un yaj'ixy xytyimtsu'utsaanpës yowë tääjës yë nmëtsipën.

Job 16:9 ပူးပေါင်းရင်းမြစ်များ

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënety yajjëjp'ijxpën; tyam ënät njanty y'ijxëmë.

Salmos 35:16

Je'eyës të xyajjë'ë të xyajya'axtë etsës të xynyëxi'ik të xytyukxi'iktë, täätsës xywyintë'kxtë äjkëtëp yowë.

Job 13:24

¿Wi'ix ko je'eyë mnäyu'ts mnäkyiiyënë? ¿Wi'ix ko jëtu'un mnäpyëjktakënë mëët ëjts tä jeexyë xymyëtsip'atyënës?

Hechos 7:54

Ko jëtu'un tmëtoowtë ja tsajptëkotyëtë yajuntë'ajtpë, ënät tukjoot'anpëjktë ja Esteban ets nyätyëtskä'pëtë mëët ja äkë.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Salmos 37:12

Yë ëxëëk ja'ay yë'ë myëmääpy myëtäjpy wi'ix t'ëxëëk tunëty yë ja'ay mëti'ipë oy tsuj juukyajtpën, ets ënät twintë'kxpety jëpyëkëm ko t'ëxëëk ixy.

Job 19:11

Jam ja tsyip y'äkë të tyajnaxy ma ëjtsën ets jëtu'unës ëxëëk të xytyuny tääjës jeexyë xymyëtsip'atyën.

Job 18:4

¿Jä'äjëtën mijts xy'antijyë ko xynyëkëëtsëty yë mjot mnini'kxë tääts ënät ja naaxwiinyëtë wyë'ëmta'ajëty aanë'ëk tëëtsë'ëkën ëkë ets ënät ja tsaatun wya'ktëkajtsta'atëtyë?

Miqueas 7:8

Naax kajpn mëti'ipës mëët nämyëtsip'atyën, këtii xytyukxoontä'äkyës koos o'ktëy njatëty, jä'ä ko tëëjës nkëtay je'eyëp ko pëtë'ëkaanpës jatëkok; oyës yë kootsajtën xyajnatuky, yë Wintsën yë'ëjës nkutë'kxën'ajtyp.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Lamentaciones 3:10

Jëtu'un të nyäpyëjktä'äkyë ma ëjtsën tä tu'uk kaajën mëti'ipë muum yu'utsy näpyëjktakëpën;, jëtu'un tä tu'uk osën mëti'ipë nipëtë'ëkaanpën.

Salmos 50:22

Ja'aykyukëtë yajxon ya'atë, miitsëty jënu'un yë Dios ijxtëkoy ja'atyëkoy xyaj'itën, këtiipë ajotkumonë n'awots ntukwotsëtëty ëkë ëxëëk ntuntëty ma ka'ap pën myajtso'oka'anëtën.

Job 13:27

Atsumy teky tsyumyës xyaj'ijtnë mëët yë pujxntä'äky, koos muum nnëjkxy, jëtu'unës xy'ix'ixy xypya'ixy ets je'eyës xy'ixy xytyuny maas muum najtswa'akë.

Job 30:21

Ëwa'an të m'awinpijnë mëët ëjts, amëjaawës xypyajjëtijnë.

Job 33:10

Je'eyëp ko yë Dios yë'ëjës xypyoky ixtääpy ets jëtu'unës xy'ijxnë myëtsipën;

Job 6:4

Mëti'ipë maaytyääyëpën winë, jëtu'unës të xytyuny ijxtëm jeexyë të xytyukmoxmëkumën yë xyëwät ets të tukye'eyëtyä'äy yë njot nini'kxës. Tëës yë Dios xytyuktu'u'ëtujkta'ay yë ëyo'on jotmay.