Job 16:10 - Biblia Dc en Mixe de Quetzaltepec

¹⁰ Aak xynyipëtë'knëpës yë ja'ay, aak xytyuk'ijxtëpës yë wyiin jyëjpëty etsës xy'amëkoxëtë, nijënu'unës pën mëj xykya'ixy.

Biblia Mixe de Quetzaltepec

¹⁰ Aak xynyipëtë'knëpës yë ja'ay, aak xytyuk'ijxtëpës yë wyiin jyëjpëty etsës xy'amëkoxëtë, nijënu'unës pën mëj xykya'ixy.

Job 16:10 ပူးပေါင်းရင်းမြစ်များ

Salmos 35:15

E koos ënät näjyëtu'un të xytyukka'ay ja ëxëëkpë, tu'kë'ëyë yë'ëjëty je'eyës të xynyëxi'ik të xytyukxi'iktë; jëtu'un tä jeexyë ka'ap n'ixy'atënës ëkë tä jaaypyaat jaaypyo'kxyën; ëxëëkës të xytyuntë janaam jatsojk.

Salmos 22:13

Jëtu'un myu'utë kaajën ets ko y'ëwë'ëktë ëjts xynyi'ëwë'ktëp.

Hechos 23:2

Ënet ja teety Ananías ojts t'ëne'emy ja ja'ay mëti'ipë jam winkon tënaaytyëpën ets t'akojxë'ëktëty ja Pablo.

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.

Lamentaciones 3:30

ni'ikyë mëpaat wyiin jyëjp tyäky ma oypyën ets t'ëxajëty yë kajpxwijën oy ja'ay wi'ix y'ënë'ëxëtëty.

Isaías 50:6

Ojtsës yë njot nnini'kx nkë'ëyäky ets yajwop yajka'atsëty, ets ka'apës wi'ix n'ënany ko tnëwijxtaaytyë ja n'awaayës. Oy ojts pën xy'ojy xyä'äxyës ets xywyintsujy xyjyëjptsujyës, ka'apës n'akoowtuty.

2 Corintios 11:20

Mmëmëtaktëp miits näjyëtu'un ko pën atsip tii mtuktuna'anëtë, mëti'ipë mtsuu'ijxëtëpën, mwin'ë'ënëtëpën, mëti'ipë mkamëj'ijxëtëp ets m'apojtsë'këtëp.

1 Reyes 22:24

Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Juan 18:22

Ko ja Jesús jëtu'un y'ënäny ënät tu'uk ja mëjtsajptëjk këwent'ajtpë tkojxy ja Jesús ets ojts t'ënëëmë: ¿Tii ko jëtu'un xy'ëtsoy yë teety wintsën?

Mateo 26:67

Ënet twintsujë'ktë ets twintäx tjëjptäxtë, twinpojts t'apojtstë,

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

Salmos 35:21

Nëkooyë xynyi'ëwë'ëktës ets y'ëna'antë: Ix tii n'ëkjaak'ijxënëp.

2 Crónicas 18:23

Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'kkë'ë t'amëkojxëy ets t'ënëmaay: ¿Ëjts ka'apës nnijawë maa të nyijkxy ja Wintsën ja myëk'ajtën ets mijts nmëmëtya'akëty?

Job 16:11

Tiosës të xypyëjktä'äky ma ja'ay ëxëëk jyä'äy'atën ets ma ja'ayëtyën mëti'ipë yajja'ay'o'ktëpën.

Job 30:12

May nyämyukëtë npë'aayës etsës xynyajtstijëtë, etsës xy'ëtuktë, ja ënantëp jeexyë n'ookyës.

Salmos 3:7

Kuwaankës Wintsën. Yajtsokës ma mijts nTios'atyën. Mijts myajtsëtyutäämpy yë nmëtsipës wyiinkëjxy jyëjpkëjxy; yë y'aaw tyëts jëtu'unyë xymyo'taja'any.

Lamentaciones 2:16

Aak mwiinktijënëp yë mëtsiptëjkëty. Je'eyë xyu'uxtë ets wyiin jyëjp tuntë ko m'ëtsu'uxyä'äxyë ets y'ëna'antë: Xit ko'ow të ntu'unëmë. Tyam jëtu'un të tpaaty ja xëëw po'o mëti'ipë ënety yajjëjp'ijxpën; tyam ënät njanty y'ijxëmë.

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Salmos 56:6

Xii yaa muum nyäpyëjkta'akëtë ayu'utsy ame'tsyë, xy'ixjëtit xypyajëtitës maas muum nnaxyën, t'ixtë tuntë jëna'a t'ëkjëkyepy muum xyaj'ooktës.