Job 15:8 - Biblia Dc en Mixe de Quetzaltepec

⁸ ¿Win'ëëw wiinkajpxpën mnäjyawëty ma Dios, ëkë tu'kpajk mëj'ijxpëkyjyä'äy mnäyajnaxyë yaa naaxwiiny naaxkëjxyë?

Biblia Mixe de Quetzaltepec

⁸ ¿Win'ëëw wiinkajpxpën mnäjyawëty ma Tios, ëkë tu'kpajk mëj'ijxpëkyjyä'äy mnäyajnaxyë yaa naaxwiiny naaxkëjxyë?

Job 15:8 ပူးပေါင်းရင်းမြစ်များ

Romanos 11:34

E ¿Pën y'ëknija'ap ja Dios ja wyinma'any? ¿Pën y'ëkkajpxwijëp?

Jeremias 23:18

E ¿Pën jam të y'otsy ma ja tu'ukmujkën të y'ityën ayu'utsy ame'tsyë mëët ja Wintsën? ¿Pën të tmëtoy mëti'ipë të tnimëtyä'äkyën? ¿Pën të tmëtoow'ity yajxon ko të kyäjpxy të myëtyä'äky?

1 Corintios 2:16

Jëtu'un ja Dios ja y'aaw y'ayuk kyëxja'ayëty: ¿Pën jëtää t'ëknija'ap ja Wintsën ja wyinma'any, pën jëtää tii y'ëktukni''ixëp? E ëëts'ajtëmë, nmëët'ajtëm ja Kristë ja wyinma'any.

Juan 15:15

Ka'ap miits n'ëktijnëtëty tuunpë, jä'ä ko ja tuunpë ka'ap nijawë tii ja wyintsën tyuunpyën. Mëku'uk miits ntijtë, jä'ä ko tëë ntuk'ëwa'anëtya'atë wi'ixës ja nTeety të xynyëëmën.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Proverbios 3:32

jä'ä ko yë Dios nijënu'un tkatimtsyoky yë ëxëëkja'aytyëjk, e ja ja'ay mëti'ipë oyjyä'äy'ajtpën yajxon tjantytsyoky tjaantyjyawë.

Salmos 25:14

Yë Wintsën y'oyjya'ap yë ja'ay mëti'ipë mëjpëjktakëpën, ets tyuknija'ap ja käjpxytyu'unën.

Job 29:4

maas ënety ëjts oy mëk nyajpaatyën ets ma ënety yë Dios yë'ë tkëwent'atyën yë njëën ntëjkës;

Job 11:6

Yë'ë, mëët jeexyë wijyajtën kujk'ajtën winë mtuk'ixpëkyë, mëti'ipë tsip yajwinja'apën. Ets jeexyë xy'ëk'ixy ko yë Dios ka'ap mëk mtëytyunyë tä mjapaatyën.

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Dios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Romanos 11:33

Ni'ik ja Dios ja myëj'ajt jyääntyajtën kyëjääjëty ets näjyëtu'un ja wyijy'ajt kyejyajtën. Ni pën kyamayë tkajpxtë'kxëty mëti'ipë të tuknipëjktaakën ets ka'ap pën myäyëtëty twinjawëty ja nyë'ë tyu'u.