Job 15:14 - Biblia Dc en Mixe de Quetzaltepec

¹⁴ Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Biblia Mixe de Quetzaltepec

¹⁴ Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 15:14 ပူးပေါင်းရင်းမြစ်များ

Eclesiastés 7:20

Je'eyëp ko ka'ap maa naaxwiiny naaxkëjxy ja'ay janty wa'atspë tyimjuuky'ätyën ets aak'oy winë timy tyuunta'ay ets nijëna'a kyapokytyuny.

Job 14:4

Ni pën tkayajpëtsëmëty yë wa'atspë ma mëti'ipë ëxëëkën.

Proverbios 20:9

Ni pën tkajëkyepy y'ëna'anëty: Ëjts wa'atsës yë njot nwinma'any ets ka'apës yë nëë poky nmëëtëty.

Romanos 7:18

Nija'apës koos, maas të ntukmin të ntukja'tën ja ëxëëkpë, ka'ap ja oypyë yajpaaty; paaty ja ëxëëkpë yë'ë ntunyës oy ja oypyë njatuna'anyës.

Salmos 14:3

Aakyë'ë ja'ay ëxëëk tu'u pyanëjkxtëp, tëë wyinma'any tyëkooytya'atë. Ka'ap ma pën mëti'ipë oypyë tyuunpyën. Nitu'uk kyaka'ty.

1 Reyes 8:46

Ko ënety pën mëtëkoyë, jä'ä ko aak tëkoopyë ja'ay y'ity ets mjoot'anpëkëty, xykyë'ëyakëty ma ja myëtsipëtyën ets ja myëtsip ëxëëk tyunëtëty, yajnëjkxëtëty tsumy matsy wiink naax wiink kajpn, ma ja mëtsip ja kyajpnën, ëkë ma ja kajpn tmëwinkon'atën,

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Juan 3:6

Ja ja'ay jëtu'un myëxu'unk'atë ijxtëm yaa naaxwiinyëtën, ni'kx kopkën je'eyë; pën jatëkok mëxu'unjk'ajtp mëët ja Dios ja Myëjaaw myëk'ajtën, ka'ap ja kyëxë'ëky.

Eclesiastés 7:29

Yi'iyës të nijawë ko yë Dios wa'ats yë naaxwiinyëtë ja'ay të tyajkojy, je'eyëp ko yë naaxwiinyëtë ja'ay kë'ëm yë jyuukyajtën tyajtsiptëkë.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënety njap'atynyëm ntaakës jyootjoty.

2 Crónicas 6:36

Ko ënety muum tii tëkatsy tuntë ëkë y'ëëwtëkoy kyajpxtëkoytyë, jä'ä ko aak pokytyuunpë ja'ay ëëts yaa nyajpaatë ets ënety xytyukjoot'anpëky ets xykyë'ëyakëty ma ja myëtsipëtyën ets yajnëjkxëtëty ja myëtsiptëjk wiink naax wiink kajpn muum jëkäm ëkë muum winkon,

Job 15:13

¿Wi'ix ko yë Dios yë'ë xytyukjoot'anpëky ets m'a'ëy m'akäjpxy nëkoo?

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Salmos 14:2

Jam tsajpjotm y'ijxyp yë Wintsën yë naaxwiinyëtë ja'ay, yë'ë jyapaatäämpy pën jää ja'ay winma'anymyëëtpë ëkë mëti'ipë Dios y'ëwtajtypyën.

Salmos 143:2

Këtii yë mtuunpë xyajtëwëty tii tyuunpy oy ka'oy, jä'ä ko mijts mwintuuy ni pën kyawa'atsëty.