Job 14:5 - Biblia Dc en Mixe de Quetzaltepec

⁵ Pën mijts myajkutujkpy jënu'un yë ja'ay xyajjuuky'ata'any ets tëë xypyëjktä'äky tu'uk yë tsëpa'an mëti'ipë ka'ap tniwa'knaxëtyën,

Biblia Mixe de Quetzaltepec

⁵ Pën mijts myajkutujkpy jënu'un yë ja'ay xyajjuuky'ata'any ets tëë xypyëjktä'äky tu'uk yë tsëpa'an mëti'ipë ka'ap tniwa'knaxëtyën,

Job 14:5 ပူးပေါင်းရင်းမြစ်များ

Salmos 39:4

Wintsën, tuknija'awëkës wi'ixës nëjkx nkukëxë ets nu'unës njaakjuuky'ata'any; yë'ëjës nijawëjäämpy pën jawäänës njaakjuuky'ata'any.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Job 12:10

Jam kyë'ëjotm, jam y'ijta'atë mëti'ipë juuky'ajtëpën.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Job 21:21

¿Wi'ix t'ëkmëmaay t'ëkmëtajnëty ja y'u'unk y'ëna'k ko ënety të y'o'knë?

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Daniel 5:26

mëti'ipë niwijpën: MENÉ: Dios mëtyoy tyaj'ijnë yë xëëw jënu'un myajkutuka'anyën ets tëë t'awitsy mapaat jyëjpkëxëtyën;

Salmos 104:9

Jam ma ja tsëpa'anën ma xytyuk'ënëmaayën ko ka'ap tninaxëty, këtiipë jatëkok jëna'a t'ëkyajnikoompäjnëty ja naaxwiinyëtë.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Job 14:14

Ko tu'uk yë ja'ay y'ooky, ¿wä'än jëtää jatëkok jyuuky'ajtwinpityë? ko jeexyë y'ëkjëtu'unëty, n'ëwxijtypyës jeexyë mapaat xytyukka'ayës tsyo'okëty ja mpëjkënës n'ijxënës.

Job 7:1

Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy:

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënety jam yajkutujkpën ma Caldeo ja'ayëtyën,

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Salmos 31:15

Yë njuukyajtënës mijts yë mkë'ë'am'ajtyp; yaj'ëwaatsëpëtsëëmkës maas yë nmëtsiptëjk xy'ixjëtit xypyajëtitën.

Salmos 139:16

Yë mwiin wa'ats ojts t'ixy koos ja njot nini'kx nyämyäkxyë; tëkokyë ya'atë mëti'ipë tuunëpën jajtëpën jap myiinta'ay këxja'ay ma ja mnokyën. Tëë ënety mijts xynya''awijtsnë jënu'unës njuuky'ata'anyën maanëmës ënety ka'ap njuuky'ajt tsoonyëmën.

Eclesiastés 3:2

Nyixëëw nyijëmëjt pyätyp ko pën myëxu'unk'aty ets ko pën y'ooky. Ko pën kyojy mye'kxy ets ko pën wyixy nyuky ma ja mëti'ipë të yajkojy të yajpenyën.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.

Job 16:22

Ëjts wäänës yë nxëëw njëmëjt jyaak wë'ëmy, tyimpatyp maas ëjts yaa ntsoona'anyën.

Eclesiastés 8:8

Ni pën ja'ay tkamëët'aty yë kuttujkën ma juukyajtënën ets ni pën ja'ay tkamëtaty mëk'ajtën ets tyajtu'uwë'ëmëty ets ni pën ja'ay näjyëtu'un tkamëët'aty yë mëk'ajtën ma o'kënën. Ka'ap tjëkyepy nkukäkmëty ya'atë tsiptuunk, oy jënu'un ëxëëk ja'ay ëxëëk y'ëtë'ëts y'ëna'anëty ka'ap yë'ëkyëjxmëty tsyo'oka'any.