Job 14:2 - Biblia Dc en Mixe de Quetzaltepec

² Jëtu'un tä pëjyën mëti'ipë pëjwa'kxpën ets poj'am xyootsy; najxp ets tëkoopy yë'ë tä äpkën.

Biblia Mixe de Quetzaltepec

² Jëtu'un tä pëjyën mëti'ipë pëjwa'kxpën ets poj'am xyootsy; najxp ets tëkoopy yë'ë tä äpkën.

Job 14:2 ပူးပေါင်းရင်းမြစ်များ

1 Crónicas 29:15

Mijts mwintuuy aak jaaypyo'kxyjyä'äy ëëts nyajpaatë, nnë'ëye'ey ntu'uye'eytyës, näjyëtu'un tä jyuukyajtën ëëts ja n'aptëjkëty nän timjëtu'un ëëts ja n'ap n'okëty y'ijtë, ëëts ja njuukyajtënëty yaa naaxwiiny naaxkëjxy jëtu'un ja je'eyë nyajxkojy tu'ktsojkyë tä tii y'a'äpkën tu'ktsojkyë ko xëëw'an nyäxy, tiis n'ëkjaaktimy'ëwxitëp.

Job 15:33

Jëtu'un jyata'any tä yë tsatym kepy mëti'ipë ka'ap yë tyëëm tsyä'ämyën, ëkë tä yë olivë kepyën mëti'ipë pyijy nëka'apën.

Job 4:20

Ko jyopëp'aty oy yajpaaty e ko jyënäkyxyëëw'aty tëë nyajijnë; ko y'ooky xëmëkyëjxm tyëkoy ets ni pën kya'ëkja'amyäjtsënë.

Job 8:9

Ëëtsajtëm tyaanëm nmëxu'unk'ajtëmë, ka'ap tii njajtëm nnija'awëmë; yë njuukyajtën'ajtëmë jëtu'un yë'ë tä tu'uk yë äpkën.

Salmos 102:11

Yë nxëëw njëmëjtës jëtu'un poj'am nyäxy tä äpkën, ets jëtu'unës të ntëtskëtaknë tä aay ujtsën.

Salmos 102:12

E mijts, Wintsën, jä'ä m'ëne'emy kë'ëyxyëëw kë'ëyjyëmëjt; yë mxëëw ja'amyetsy xëmë y'ita'any.

Salmos 102:5

Yë nini'kxës je'eyë myëjtëtspäjnë npajkwiinyës koos xëmë një'ëy nyä'äxy.

Salmos 144:4

Yë naaxwiinyëtë ja'ay jëtu'un yë'ë tä yë ja'ay myëkxejy y'o'kxejyën; ets jyuukyajtën jëtu'un nyäxy tä yë äpkën.

Salmos 37:2

jä'ä ko yë'ëjëty pojën tyëtskëta'aktë tä aaykyëta'akën; ets xyootstë tä aay ujtsën.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Salmos 92:7

Pën yë ëxëëkja'aytyëjk ets tuuntëkoopyëtëjk yoontëp ji'tstëp tä ujtsën ets mëtaktëp ma wit meenyën, nëkoopë yë'ë, je'eyë nëjkx kyutëkoytyë.

Eclesiastés 8:13

e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

Santiago 4:14

Nijënu'un xykyanijawëtë mëti'ipë jëpom tunan jatanëpën. Jëtu'un miitsëty ijxtëm ja maanikën, wäänë y'ity ets tyëkoy.

1 Pedro 1:24

Jä'ä ko jëtu'un ja Dios ja y'aaw y'ayuk këxja'aypyë y'ënä'äny: Tëkokyëty yë ja'ay aakjëtu'un ijxtëm ja aay ujtsën, ets ja myëj'ajtën jëtu'un ijxtëm ja pëjyën. Tëtsp ja aay ujts ets ja nyipëjy kyatska'ay;