Job 14:1 - Biblia Dc en Mixe de Quetzaltepec

¹ Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Biblia Mixe de Quetzaltepec

¹ Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Job 14:1 ပူးပေါင်းရင်းမြစ်များ

Job 5:7

yë naaxwiinyëtë ja'ay kë'ëm ëyo'on jotmay nyätyukpaatyë, jëtu'un tä yë jëënpixk pyëtsimyën jëënjoty.

Eclesiastés 2:23

Je'eyë të y'ëyoy ko të jyuuky'äty, jëtu'un tä jeexyë tsëmy kë'ëy tyajye'eyën; tsu'um koots ka'ap yë wyinma'any tyajpo'kxy. Tääpë nän natëkë winma'any yë'ë.

Job 25:4

¿Paaty, wä'än jëtää tu'uk yë naaxwiinyëtë ja'ay wa'ats nyaxëty Dios wintumë?

Job 7:1

Yë naaxwiinyëtë ja'ay yë jyuukyajtën jëtu'un yaa nyäxy naaxwiiny naaxkëjxy tä tu'uk yë tsiptuunpë tu'kjëmëjt tyaj'apetyën yë tyuunk,

Génesis 47:9

Ënet yë Jacob y'ëtsooy: Ëjts mëko'px ja i'px majkës tyam yë njëmëjtnë maas jëtu'unyë naxy ntëkën xii yaa ets wäänës njawë të njuuky'äty, je'eyëp ko mëk oyës ka'apës yam jëtu'un oy ntimjyuuky'ätynyëm ijxtëm ojts ja n'ap n'okës jyuuky'atën.

Mateo 11:11

Tëy miits n'ënëëmëtë ko ni pën jëtu'un kyamëjjëty ijxtëm yë Juan Yajnëëpäjtpën. Jä'ä ko jam ma tsajpjotmëpë kuttujkën mëj'äämpy yë ja'ay nyäxy mëti'ipë mutsk näyajnajxëpën yaa naaxwiiny.

Salmos 51:5

Tyamës yajxon nikäjpxy koos ëxëëkës nja'ay'äty, jëtu'unës ntimmyiiny ntimyjyä'äjty naaxwiiny naaxkëjxy pokyjyä'äy, koos ënety njap'atynyëm ntaakës jyootjoty.

Job 15:14

Ka'ap maa ja'ay mëti'ipë ka'ap pyokymyëëtëtyën ets ka'ap maa ja'ay mëti'ipë ka'ap pyokytyunyën.

Job 9:25

Jëtu'unës yë nxëëw njëmëjt pyëyi'iky pe'tym tä pën pyëyi'ikyën ets ka'ap ja jotkujk'ajtën tpaaty.

Job 7:6

Yi'iyës n'ëwxijtyp jëna'ajës n'ooky maas ka'ap nitii n'a'ixy njëjp'ixyën. Jëtu'un yë n'o'kënës wyinkony poj'am tä kepy y'ëwtityën pe'tympe'tym mëti'ipë wit kojpën.

Eclesiastés 2:17

Ënätës të n'ëxëëk'ixy yë juukyajtën, jä'ä ko tu'kë'ëyë mëti'ipë tuunëpën jajtëpën aak ëjtsën nja'ap xytyukkëtakpety. Aak natëkë winma'any yë'ë ets nëkoopë je'eyë juukyajtën ntuk'ëyë'kmëty.

Salmos 39:5

Janty wäänës yë njuukyajtën të xytyimmooynyë; yë njuukyajtënës mijts mwintuuy ka'ap nijënu'un tii tkëjxmëty. Tëkokyë yë ja'ayëty jëtu'un yaa naaxwiiny jyuuky'ajtkojtë tä yë ja'ay myëkxejyën.

Génesis 3:17

Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Job 10:20

Yë njuukyajtënës wäänë yaa nyajxkojy, ëxmajtskës tu'ktsojkyë, wä'änës n'ëkjuuky'äty jotkujk. Minës wäänë n'ëkxoontä'äky

Salmos 89:47

Wintsën, mëmay mëtaj koos janty wäänës yë njuukyajtën jyaak wë'ëmy; yë ja'ay mëti'ipë të xyajkojyën wäänë jyuuky'äty.

Jeremias 20:18

¿Tiijës ko ojts n'ëkmëxu'unk'ajtpë ets n'ixëtyës je'eyë ja ëyo'on jotmay ets njuuky'atëtyës je'eyë tsëtyu'unmëët?

2 Reyes 4:19

ënät mëk y'ënaantäky: Nëkoos yë nkëpajk y'ëkpëjknë. Wiinkëmës yë nkëpajk pyëjknë. Ënet ja tyeety ënätyë t'ënëmaay tu'uk ja tyuunpë: Tun mëyajtën nëjkx ya'atë tyaak mo'o.

Job 8:9

Ëëtsajtëm tyaanëm nmëxu'unk'ajtëmë, ka'ap tii njajtëm nnija'awëmë; yë njuukyajtën'ajtëmë jëtu'un yë'ë tä tu'uk yë äpkën.

Job 25:5

Ma yë'ëjën, ka'ap yaj'ixy pën të'kxp yë po'o ets pën wa'ats yë mëtsa'a,

Salmos 39:6

Tëkokyë yë naaxwiinyëtë ja'ay jëtu'un nyäxy poj'am tä tu'uk yë äpkën; ka'ap nijënu'un tuk'oy'atëty oy jënu'un yë wit meeny nipëjkpät nituumpätëty, jä'ä ko ni yë'ë tkanijawë pën nëjkx tmëwë'ëmy.