Job 13:9 - Biblia Dc en Mixe de Quetzaltepec

⁹ je'eyëp ko tii jëtää tunëtëp jatëtëp ko Dios m'ëk winma'any ixa'anëtëty. ¿Jyëkyejpy jëtää yë Dios xywin'ëëntëtyë?

Biblia Mixe de Quetzaltepec

⁹ je'eyëp ko tii jëtää tunëtëp jatëtëp ko Tios m'ëk winma'any ixa'anëtëty. ¿Jyëkyejpy jëtää yë Tios xywin'ëëntëtyë?

Job 13:9 ပူးပေါင်းရင်းမြစ်များ

Job 12:16

Yë myëk'ajtën yë'ë xëmë yajmëtakëp. Aakjam yajpata'atë yë ja'ayëty mëti'ipë win'ë'ëntëpën ets mëti'ipë yajwin'ë'ëntëpën.

Job 14:10

E yë naaxwiinyëtë ja'ay ko y'ooky, tii y'ëktsooy'atëp; ko y'ooky ¿maa nyijkxy?

Job 17:2

Maas ëjts nyajpaatyën aak yajpatp ja'ay mëti'ipë je'eyë nëëxikp tukxikpën; tsu'um koots aak je'eyës n'ixy tyäty wyinkajpxpätë.

Job 34:36

Wä'än yajxon tyajnijawë tii Job wyinma'any'äjtyp, jä'ä ko yë y'aaw y'ayuk jëtu'un yajmëtoy tä ëxëëkja'aytyëjk kyajpxtën myëtya'aktën.

Salmos 139:23

Mijts Dios, ijxkës ets xynyijawëty yë njot nwinma'anyës. Ëkwinma'any'ijxkës ets xynyijawëty wi'ixës nmay ntajyën.

Salmos 44:21

Mijts wa'ats jeexyë xy'ixy xynyijawë, jä'ä ko mijts mtuk'ijxnajxyp yë jot winma'any.

Isaías 28:22

Paaty myaj'ënëëmëtë këtii je'eyë xynyëxi'ik xytyukxi'iktëty, këtiipë mjotmay kyëjääjëtëty; jä'ä ko tëëjës nijawë ko yë Wintsën mëti'ipë maaytyääyëpën winë, yajkutëkooyäämpy tu'kë'ëyë naax kajpn.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.